Pervomaisk (Alalidnan agj)
Pervomaisk (ven.: Первома́йск, erz.: Первомайск ош) om Venäman lidn Alalidnan agjan suves. Se om Pervomaiskan lidnümbrikon (edel 2012. vot — rajonan) administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2021) | 13,101 ristitud |
| Pind | 20 km² |
| Telefonkod | +7−83 139-xx-xxx |
| Avtokod | 52, 152 |
| Aigvö | UTC+3 (MSK+0) |
IstoriiRedigeeri
Eländpunktan aluz om pandud 19. voz'sadal kuti Tašino-radnikžilo kaugedraudan valamižtegimenno. Nikolai Karamzin-istorikan Aleksandr-poig sauvoi tegint ičeze Natal'ja-akan päluižespäi da valdoiči sil, ka nimiti žilod akan sulal Taša-nimel. Kaidraižuine raudte tuli žilho 1920-nzil vozil. Radnikžilo sai lidnan statusad nügüdläiženke nimenke vl 1951, saudihe levedraižušt raudted sil-žo aigal. Nimitihe lidnad «Keväden i radon päiv»-praznikan toižen «Pervomai»-nimen mödhe.
Pervomaisk šingotase raudtemašiništon «Transpnevmatika»-tegimel (azotimed i kompressorad, mašinad, ladimed), mecpilindan edheotandal, sömtegimištol (leibtegim, maidon vajehtimen tegim).
Geografijan andmusedRedigeeri
Lidn sijadase ümbrikon suves, 155 m ü.m.t. keskmäižel korktusel. Umoč (Umač)-jogi läbitab lidnad (21 km pitte, Suran hurapol'ne bassein). Matkad Mordovijan Tazovaldkundhasai om 5 km suvhe, Alauz'lidnhasai om 163 km pohjoižhe orhal, 184 km avtotedme vai raudtedme. Lähembaižed lidnad oma Sarov 31 km päivlaskmha orhal, 38 km avtotedme vai raudtedme, i Lukojanov 48 km päivnouzmha-pohjoižpäivnouzmha orhal, 58 km avtotedme vai 85 km raudtedme.
Pervomaisk-Gor'kovskii-raudtestancii radab «Alauz'lidn — Saransk»-keskustan 55-kilometrižen sarakon ühteks kahtes lopstancijaspäi (toine om Sarov) lidnan keskuzpalas.
EläjadRedigeeri
Vn 2010 Venäman rahvahanlugemižen mödhe lidnan eläjiden lugu oli 14 568 ristitud, lidnümbrikon seičeme kümnendest. Kaikiš suremb lidnan ristitišt oli 16..17 tuhad eläjid vll 1979−1998 (17 tuhad ristituid vl 1998).
Ortodoksižen hristanuskondan Jumalanmaman Kazanin jumalaižen puine jumalanpert'[1] radab lidnas, om saudud vll 2000−2002.
Pervomaiskan politehnine tehnikum[2] om professionaližen opendusen aluzkundaks.
HomaičendadRedigeeri
IrdkosketusedRedigeeri
| Pervomaisk (Alalidnan agj) Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||