Nitmarin kel'

Nitmarin kel' (ičeze nimituz: олыкмарий йылме) om suomalaiž-ugrilaine kel', kudamb mülüb suomalaiž-permižiden keliden oksha. Vn 2010 rahvahanlugemižen mödhe Nitmarin kelel pagižeb 365 316 ristitud Venämas, sidä kesken enamba 10 tuh. — Marii Elan Tazovaldkund (valdkundkel'), Baškortostanan Tazovaldkund, Tatarstanan Tazovaldkund, Kirovan agj, Sverdlovskan agj.

Marin paginoiden (keliden) levigandusen kart Marii Elas i lähižiš regioniš:
päivnouzmaine pagin (kirjkelen formata);
nitmarin pagin;
lodehline pagin (kirjkelen formata);
mägimarin pagin.

Nitmarin kel' om agglütinativine kel'. Päivnouzmaižel paginal i nitpaginal ei ole sur't erinendad grammatikas, no erasiden sanoiden znamoičend erineb.

Nitmarin kelen kirjamišt

Marin kelen amuižed znamad-simvolad (mar. тиште — tište).

Nitmarin kelen kirjamišt mülütab 36 kirjant, se om vajehtuseta vspäi 1949: kaik venän kelen kirjamed, sen ližaks koume kirjant: Ҥ, Ӧ, Ӱ.

А а	Б б	В в	Г г	Д д	Е е	Ё ё	Ж ж
З з	И и	Й й	К к	Л л	М м	Н н	Ҥ ҥ
О о	Ӧ ӧ	П п	Р р	С с	Т т	У у	Ӱ ӱ
Ф ф	Х х	Ц ц	Ч ч	Ш ш	Щ щ	Ъ ъ	Ы ы
Ь ь	Э э	Ю ю	Я я

Nitmarin kelen grammatik

Nitmarin keles om 9 kändod.

känd	üks'lugu
Nominativ	пöрт («pert'»)
Genitiv	пöртын
Akkuzativ	пöртым
Dativ	пöртлан
Lativ	пöртеш
Illativ	пöртышкö
Inessiv	пöртыштö
Komparativ	пöртла
Komitativ	пöртке

Lugusanad

Marin luguvaihil om kaks' formad: lühüd da täuz'.

• ик, икте (икыт, иктыт) — üks'
• кок, кокыт (коктыт) — kaks'
• кум, кумыт — koume
• ныл, нылыт — nell'
• виз (вич), визыт — viž
• куд, кудыт — kuz'
• шым, шымыт — seičeme
• кандаш, кандаше — kahesa
• индеш, индеше — ühesa
• лу — kümne

Frazad

• Эсен улыда! — Tervhen!
• Тыйын лӱмет кузе? — Kut sindai kuctas?
• Те кувеч улыда? — Kugalaine oled?
• Кушто тый илет? — Kus sinä eläd?
• Чеверын! — Nägemižhesai! (sana-sanha jäkat hüväšti)
• Кугу тау. — Sur' spasib.

Kacu mugažo

• Nitmarin Vikipedii