Vorsm
Vorsm (ven.: Во́рсма) om Venäman lidn Alalidnan agjan päivlaskmas. Se om Pavlovon rajonan pala (lidnankund edel vn 2020 semendkud).
Lidnanznam
| |
| Valdkund | Venäma |
| Eläjiden lugu (2020) | 10,253 ristitud |
| Pind | 22,78 km² |
| |
| Pämez' | Aleksandr Prokofjev (kül'mku 2015—) |
| Telefonkod | +7−83 171-xx-xxx |
| Avtokod | 52, 152 |
| Aigvö | UTC+3 (MSK+0) |
IstoriiRedigeeri
Voräs'man tahond mainitase 14.-15. voz'sadoil. Eländpunkt mainitase ezmäižen kerdan vl 1588 kuti Vorsmankülä (ven.: село Ворсма). Sijaline mahuz om vägitoi, järg savi da savik, i 18. voz'sadaspäi pästtas raudasižid tegesid sijaližes soraudaspäi: raudad, veičed, luklod, tuikutimed, sabläd, medicinine instrument.
Vspäi 1926 Vorsm oli žilon statusanke. Vl 1955 se sai lidnan statusad. Tehtihe NSTÜ:n veičiden enambust arni neciš lidnas. Pästtas veičid (kuz' edheotandad) da medicinižid ladlusid tähäsai. Vspäi 2014 mülütihe Vorsmad Venäman monolidnoiden nimikirjuteshe hüvänke socialiženke olendanke. Mugažo leibänedheotand radab.
Geografijan andmusedRedigeeri
Lidn sijadase Kišm-jogen randoil (ven.: Кишма / Ворсма 71 km pitte, Okan oiged ližajogi). Jogi läbitab Toskank-vezivaradint lidnan päivnouzmas (Vorsmanjärv, 1,26 km²). Lähembaine lidn om Pavlovo 10 km päivlaskmha avtotedme. Matkad Alauz'lidnhasai om 62 km pohjoižpäivnouzmha avtotedme. Vorsm-raudtestancii sijadase 15 km lodeheze lidnaspäi.
Vorsman lidnankund om olmas vspäi 2004, lidn om sen üks'jäižeks eländpunktaks.
EläjadRedigeeri
Vl 1931 eläjiden lugu oli 6 300 ristitud. Kaikiš suremb ristitišt oli 13 968 eläjad vl 1979. Vn 2010 Venäman rahvahanlugemižen mödhe eläjiden lugu oli 11 620 ristitud.
Ortodoksižen hristanuskondan Ostrovojezerskii Stroican naižjumalankodi (viž pühäpertid) i koume jumalanpertid[1] oma olmas lidnas, nellänz' jumalanpert' om udessündutamižes.
Nened valdkundaližed objektad oma avaitud Vorsmas: kaks' keskškolad, čomamahtoiden lapsidenškol, sädamižen lapsidenkeskuz, fizkul'turiž-tervehtamižkompleks, kaks' štarglavut, futbolklub stadionanke.
GalereiRedigeeri
Lidnan administracijan sauvusenno (2009)
Ostrovojezerskii Stroican naižjumalankodi, vn 2013 nägu
Vorsman medicinižiden ladlusiden tegim vl 2007
Lidnan kul'turkeskuz (vn 2009 olend)
Zavjalovan ird (2009)
HomaičendadRedigeeri
IrdkosketusedRedigeeri
- Lidnan territorialižen ohjanduzkundan lehtpoled Pavlovon ümbrikon tobmuden admpavlovo.ru-saital. (ven.)
| Vorsm Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||