Kstovo
Kstovo (ven.: Кстово) om Venäman lidn Alalidnan agjan keskuzpalas. Se om agjan kudenz' lidn eläjiden lugun mödhe, Alauz'lidnan suvipäivnouzmaine ezilidn, Kstovon rajonan administrativine keskuz da pala. Ümbrik om sätud rajonan territorijal vn 2021 tal'vkus.
Lidnanznam
|
Flag
|
| Valdkund | Venäma |
| Eläjiden lugu (2021) | 66,928 ristitud |
| Pind | 59 km² |
| |
| Pämez' | Mihail Gogolev (reduku 2016—) |
| Telefonkod | +7−83 145-xx-xxx |
| Avtokod | 52, 152 |
| Aigvö | UTC+3 (MSK+0) |
Istorii vajehta
Ende mordvinalaižed i totarlaižed eliba enambuses lidnan tahondas. Eländpunkt mainitaškanzihe 14. voz'sadaspäi kuti Kstovskai-külä (ven.: деревня Кстовская). Ksta-sana znamoičeb «manzik» mordvinan kelil. Kivivoin ümbriradmižen Novogor'kovskii-tegim om saudud 1950-nzil vozil. Kätihe küläd radnikžiloks vl 1954. Se sai lidnan statusad vn 1957 12. päiväl sügüz'kud.
Kstovo šingotase suren kivivoinhimijan tegimištzonal lidnan suvipäivlaskmas («Lukoil»-kompanijan kivivoinümbriradmižen tegim, mugažo etilenan, propilenan, bituman i polivinilhloridan tehmine). Toižed sarakod oma sömtegimišt (leibtegim, maidtegim, kolbasceh, jähine), mašinansauvomine (ventiläcijan tegim), sauvondmaterialiden pästand (raudbetonantegim), mugažo mebel'fabrik i Novogor'kovskai-LEK ratas lidnas.
Geografijan andmused vajehta
Lidn sijadase rajonan lodehliženno röunanno, Volgan oiktal randal, 125 m ü.m.t. keskmäižel korktusel. Matkad Alauz'lidnan röunhasai om 10 km lodeheze orhal vai 15 km avtotedme, keskushesai — 23 km orhal vai 28 km avtotedme. Toine lähembaine lidn om Bor 15 km pohjoižhe orhal, 50 km avtotedme vai raudtedme.
Tegimištzon om saudud Kud'm-jogen taga (ven.: Кудьма, Volgan oiged ližajogi 144 km pitte, lankteb sihe 20 km päivnouzmha lidnaspäi), sen oiktal randpolel. «Volga»-avtotrass (M7) läbitab kaiked lidnad. Raudtesarak tuleb lidnha Alauz'lidnaspäi, se om läz 15 km pitte i radab vemha ajaden jüguid vaiše.
Kstovo oli lidnankundan üks'jäižeks eländpunktaks edel vn 2021 tal'vkud.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 66 657 ristitud, rajonan viž ühesandest. Kaikiš suremb lidnan ristitišt oli enamba 69 tuhad eläjid vll 1998−2001 (69 400 rist. vl 2000). «Mail'man sambon akademii»-sportkompleks om olmas lidnas.
Rahvahad (2010): venälaižed — 96,3%, toižed rahvahad — 3,7%.
Ortodoksižen hristanuskondan seičeme pühäpertid[1] oma olmas lidnas: nell' jumalanpertid i koume časounäd.
Kstovon kivivointehnikum[2] om professionaližen opendusen aluzkundaks.
Galerei vajehta
-
Kstovon rajonan tobmuden sauvuz (2015) -
Jumalanmaman Vladimiran jumalaižen jumalanpert', vn 2018 nägu -
«Lukoil-Nižegorodnefteorgsintez» (Kstovon kivivoinümbriradai tegim) vl 2021, kuva om sätud Man kaimdajaspäi -
«Atoll»-torguindkeskuz akvaparkanke (2015) -
Lapsiden i norišton sädamižen pert'kulu (2013)
_-_2018-06-07_(1).jpg)
Homaičendad vajehta
Irdkosketused vajehta
- Lidnan Duman i rajonan tobmuden aluzkundoiden oficialine sait (kstovo-adm.ru) i sen uz' versii. (ven.)
- Lidnan informacine sait (kstovo.ru). (ven.)
| Kstovo Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||