Sarov
Sarov (ven.: Саро́в, erz.: Саров ош, tot.: Сарыкылыч) om Venäman sauptud lidn da lidnümbrik Alalidnan agjan suviröunan Mordovijanke päivlaskmas. Se om alištunu Alalidnan agjan tobmudele, agjan nellänz' lidn eläjiden lugun mödhe.
Lidnanznam.svg)
| |
| Valdkund | Venäma |
| Eläjiden lugu (2022) | 96,099 ristitud |
| Pind | 232 km² |
| |
| Pämez' | Aleksandr Tihonov (sügüz'ku 2015—) |
| Telefonkod | +7−83 130-xx-xxx |
| Avtokod | 52, 152 |
| Aigvö | UTC+3 (MSK+0) |
IstoriiRedigeeri
Ende mordvinalaižiden i totarlaižiden-mišariden Sarovan lidneihut läz 44 ga pindanke oli olmas lidnan sijas. Ezimeletaden, panihe sidä mantazole 13. voz'sadan ezmäižes poles. Nügüdläižen eländpunktan aluz om pandud vl 1706 kuti Sarovan jumalankodi, vl 1906 oigetihe sen 200-vottušt jubilejad. Vll 1925−1927 sauptihe jumalankodid da anttihe pidamha türmatud mehid. Vn 1947 heinkuspäi Sarov-žilo oli alištunu nevondkundaližele tobmudele oikti šingotamha südäitukuižid šlibakoid. Kändihe žilod sauptud Kremlöv-lidnaks vn 1954 17. päiväl keväz'kud. Vll 1960−1966 nimitihe Arzamas-75, vhesai 1994 — Arzamas-16. Vspäi 1995 lidn nimitase nügüdläižikš.
Sarov šingotase Venäman eksperimentaližen fizikan tedoinstitutal da sen tegimil, mugažo savičtegim radab.
Geografijan andmusedRedigeeri
Lidn sijadase Satis-jogen randoil (ven.: Сатис 89 km pitte, Okan oigedpol'ne bassein), 150..170 m korktusil, 160 m ü.m.t. keskmäižel korktusel. Om ümbärtud kaičendzonal. Sarovk-jogi (ven.: Саровка 22 km pitte) lankteb Satisha huralpäi lidnan keskuzpalas. Mordovijan valdkundaline londuseline kel'dtaho levitase 5 kilometras suvhe lidnaspäi. Matkad Alauz'lidnhasai om 161 km pohjoižhe orhal, 184 km avtotedme vai raudtedme. Lähembaižed lidnad om Pervomaisk 31 km päivnouzmha orhal, 38 km avtotedme vai raudtedme, i Temnikov (Mordovii) 35 km suvhe orhal vai 46 km avtotedme.
Sarov om lidnümbrikon üks'jäine eländpunkt. Sarov-raudtestancii radab «Alauz'lidn — Saransk»-keskustan 55-kilometrižen sarakon ühteks kahtes lopstancijaspäi (toine om Pervomaisk) lidnan suvipalas.
EläjadRedigeeri
Vn 2010 Venäman rahvahanlugemižen mödhe lidnan eläjiden lugu oli 92 047 ristitud. Kaikiš suremb lidnan ristitišt oli 96 479 eläjad vl 2021.
Rahvahad (2010): venälaižed — 95,9%, mordvinalaižed — 1,7%, ukrainalaižed — 1,2%, toižed rahvahad — 1,2%.
Ortodoksižen hristanuskondan Sarovan mez'jumalankodi[1] (Pühän Jumalanmaman Emäganpäivän päjumalanpert' i seičeme jumalanpertid) i koume jumalanpertid sen irdpoles oma avaitud lidnas.
Professionaližen opendusen aluzkundad oma Sarovan fiziž-tehnine institut — «MIFI»-tedoiduzkeskusen filial i politehnine tehnikum[2], Sarovan medicinine kolledž[3] mugažo.
GalereiRedigeeri
Sarovan atombomban muzejas
Sarovan tedomehiden pert' (2015)
Sarovan mez'jumalankodi, kellčuhunduz, vn 2014 nägu
Sarovan mez'jumalankodi, ph. Serafim Sarovalaižen jumalanpert', vn 2015 nägu
Jumalanpert' carin rodun himoitusiden tirpajiden oiktastuseks, vn 2020 nägu
Pühäpert' valatandastjanke vezišton randal, vn 2006 nägu
Stomatologine poliklinik (2015)
«Plaza»-torguindkeskuz (2012)
HomaičendadRedigeeri
IrdkosketusedRedigeeri
- Lidnan Duman oficialine sait (duma-sarov.ru). (ven.)
- Lidnan Administracijan oficialine sait (adm-sarov.ru). (ven.)
| Sarov Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||