Gorbatov (lidn)
Gorbatov (ven.: Горба́тов) om Venäman lidn Alalidnan agjan päivlaskmas. Se om agjan kaikiš penemb lidn, Pavlovon rajonan lidnankundan administrativine keskuz.
Lidnanznam
| |
| Valdkund | Venäma |
| Eläjiden lugu (2020) | 1,844 ristitud |
| Pind | 10 km² |
| |
| Pämez' | Sergei Jerömin (kül'mku 2019—) |
| Telefonkod | +7−83 171-xx-xxx |
| Avtokod | 52, 152 |
| Aigvö | UTC+3 (MSK+0) |
Istorii Redigeeri
Meššora-heimon ezitajad eliba lidnan tahondas 10.-12. voz'sadal. Meššerskaja Porosl' -külä mainitase vspäi 1565. Udesnimitihe Gorbatai-küläks (ven.: Горбатая) ezmäižen Aleksandr Gorbatii-Šuiskii-ruhtinasen-pidajan kanzannimen mödhe. Vl 1565 Ivan IV anasti küläd ruhtinasel da andoi jumalankodile. Vl 1672 saudihe ezmäšt pujumalanpertid, i külä kändihe Gorbatovo-žiloks. Vl 1779 ühtištuihe sidä Meššorskai-slabadanke, žilo sai makundan lidnan statusad. Seižui «Moskv — Alauz'lidn»-traktal.
Gorbatov šingotase kervačuiden da noroiden fabrikal amussai, mugažo poimetišiden fabrikan (kuti Šahunjas) i Pavlovon suvenirtegimen filialil. Kazvatadas jablokpuid, višnäd da marjoid suriš lugumäriš. Kurorttahond lebukodidenke ümbärdab lidnad.
Geografijan andmused Redigeeri
Lidn sijadase Okan oiktal randal sen känmas, 160 m ü.m.t. keskmäižel korktusel, valdmad oma olmas. Matkad Alauz'lidnhasai om 62 km päivnouzmha-pohjoižpäivnouzmha orhal vai 89 km avtotedme, Pavlovo-rajonkeskushesai om 15 km suvhe orhal vai 20 km avtotedme. Lähembaine lidn om Volodarsk 13 km pohjoižpäivnouzmha orhal vai 117 km avtotedme. Lähembaine avtotedme Vorsm-raudtestancii om 12 km suvipäivnouzmha lidnaspäi.
Kaik 14 küläd i kaks' žilod mülüdas lidnankundha Gorbatovan ližaks vspäi 2009. Lidnankundan pind — 176,71 km².
Eläjad Redigeeri
Vn 2010 Venäman rahvahanlugemižen mödhe lidnan eläjiden lugu oli 2 278 ristitud, lidnankundan — 2 813 ristitud. Kaikiš suremb lidnan ristitišt oli 4 800 eläjad vl 1913 i 4 611 eläjad vl 1970. Kaik 2 387 ristitud elihe lidnankundas vl 2017.
Rahvahad (2010): venälaižed — 98,5%, toižed rahvahad — 1,5%.
Ortodoksižen hristanuskondan koumen jumalanpertin i ühten časounän sauvused[1] oma kaičenus lidnas erazvuiččes olendas, niišpäi kaks' jumalanpertid oma väges.
Professionaližen opendusen lähembaižed aluzkundad ratas Pavlovo-rajonkeskuses.
Galerei Redigeeri
-
Monument Suren sodan pölištunuzile sodamehile lidnan puištos, 2011
-
Pühän Stroican päjumalanpert', vn 2020 nägu (om saudud vll 1813−1814)
-
Istorine eländpert' torguindhonusidenke vl 2020
-
Lidnan keskškol (2009)
-
Gorbatovan lebukodi vl 2009
Homaičendad Redigeeri
Irdkosketused Redigeeri
| Gorbatov (lidn) Vikiaitas |
| Alalidnan agjan lidnad | ||
| Alauz'lidn | Arzamas | Balahn | Bogorodsk | Bor | Čkalovsk | Dzeržinsk | Gorbatov | Gorodec | Knäginino | Kstovo | Kulebaki | Liskovo | Lukojanov | Navašino | Pavlovo | Perevoz | Pervomaisk | Sarov | Semönov | Sergač | Šahunj | Zavolžje | Uren' | Vetlug | Viks | Volodarsk | Vorsm | ||