Šahunj

Šahunj
Шахунья
Lidnanznam;	Flag;
Valdkund	Venäma
Eläjiden lugu (2021)	19,591 ristitud
Pind	25 km²
Pämez'	Roman Košelev; (reduku 2015—)
Telefonkod	+7−83 152-xx-xxx
Avtokod	52, 152
Aigvö	UTC+3 (MSK+0)

Šahunj (ven.: Шаху́нья) om Venäman lidn Alalidnan agjan pohjoižpäivnouzmas. Se om Šahunjan lidnümbrikon (edel vn 2011 kül'mkud — rajonan) administrativine keskuz da pala.

Istorii vajehta

Ende marilaižed eliba enambuses lidnan tahondas. Eländpunktan aluz om pandud mecoiden i soiden sijha vl 1921 kuti žilo Šahunj-raudtestancijanno sauvomha da holitamha «Alauz'lidn — Kotel'nič»-raudtekeskustad koumes kilometras pohjoižpäivnouzmha ühtennimižes Šahunj-küläspäi (om olmas nügüd'-ki). Saudihe puruvedimdepod vodele 1928. Vspäi 1933 kändihe radnikžilod rajonan keskuseks. Žilo sai lidnan statusad vn 1943 27. päiväl redukud.

Šahunj šingotase maidtegimel, raudten edheotandoil (koume depod), mecanümbriradmižen sarakol (nell' edheotandad) i poimetišiden fabrikal.

Geografijan andmused vajehta

Lidn sijadase rajonan päivnouzmas, 152 m ü.m.t. keskmäižel korktusel. Černušk (Čornai)-jogi da sen pened Kopan'- i Samarih-ližajoged jokstas lidnadme suvespäi pohjoižhe (Vetlugan i Volgan hurapol'ne bassein). Matkad Kirovan agjan röunhasai om 20 km suvipäivnouzmha, Alauz'lidnhasai om 218 km suvipäivlaskmha orhal, 263 km avtotedme vai raudtedme. Lähembaižed lidnad oma Jaransk (Kirovan agj) 86 km päivnouzmha-suvipäivnouzmha orhal vai 101 km avtotedme, Uren' 54 km päivlaskmha-suvipäivlaskmha orhal, 57 km avtotedme vai raudtedme, i Vetlug 54 km lodeheze orhal vai 66 km avtotedme.

«Alauz'lidn — Kirov»-raudtekeskust jagab lidnad poleti, «Alauz'lidn — Kirov»-mante ümbärdab lidnad suvipäivlaskmaspäi.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 20 921 ristitud, lidnümbrikon viž ühesandest. Kaikiš suremb lidnan ristitišt oli enamba 23 tuhad eläjid vll 1996−2001 (23 600 rist. vl 2000).

Rahvahad (2010): venälaižed — 96,2%, totarlaižed — 1,2%, toižed rahvahad — 2,6%.

Ortodoksižen hristanuskondan nell' pühäpertid^[1] oma olmas lidnas: Jumalanmaman Katken jumalanpert' (1994) i koume časounäd.

Šahunjan agrarižen industrijan kolledž^[2] om professionaližen opendusen aluzkundaks.

Galerei vajehta

Lidnan da lidnümbrikon tobmuden sauvuz (vn 2010 olend)
Lidnan läžundkodin kertläžundoiden palakund, vn 2015 nägu
Keskuzline universaline lauk vl 2014
Lidnan kul'turkeskuz (2011)
Avtostancii raudtenno vl 2013

Homaičendad vajehta

Irdkosketused vajehta

Lidnan da lidnümbrikon oficialine sait (shahadm.ru). (ven.)

Šahunj Vikiaitas

	Alalidnan agjan lidnad
	Alauz'lidn \| Arzamas \| Balahn \| Bogorodsk \| Bor \| Čkalovsk \| Dzeržinsk \| Gorbatov \| Gorodec \| Knäginino \| Kstovo \| Kulebaki \| Liskovo \| Lukojanov \| Navašino \| Pavlovo \| Perevoz \| Pervomaisk \| Sarov \| Semönov \| Sergač \| Šahunj \| Zavolžje \| Uren' \| Vetlug \| Viks \| Volodarsk \| Vorsm

[1] Šahunjan pühäpertid sobory.ru-saital. (ven.)

[2] Šahunjan agrarižen industrijan kolledžan sait (shapt.ru). (ven.)

[1]

[2]

Lidnanznam	Flag
Valdkund	Venäma
Eläjiden lugu (2021)	19,591 ristitud
Pind	25 km²

Pämez'	Roman Košelev (reduku 2015—)
Telefonkod	+7−83 152-xx-xxx
Avtokod	52, 152
Aigvö	UTC+3 (MSK+0)