Kuritib

Kuritib (port.: Curitiba [kuɾiˈtʃibɐ] «pedaipähkmen tahond» tupi-indejalaižiden kelespäi) om lidn-millioner Brazilijan suves. Se om Paran-štatan administrativine keskuz da sen kaikiš suremb lidn, valdkundan kahesanz' lidn eläjiden lugun mödhe.

Kuritib
Curitiba

Lidnanznam	Flag
Valdkund	Brazilii
Eläjiden lugu (2017)	1,908,359 ristitud
Pind	435,9 km²
Pämez'	Rafael' Greka (1993−1996, viluku 2017—)
Telefonkod	+55−41
Aigvö	UTC−3

Lidnan sijaduz štatas i valdkundas (2005)

Istorii

Eländpunktan aluz om pandud vn 1693 29. päiväl keväz'kud. Kaks' voz'sadad šingotihe kaivuziden radol i oli maižanduzrajonan torguindan keskuseks. Sai lidnan statusad vl 1842.

Raudte ühtenzoiti Paranagua-meriportanke vl 1885. Vl 1912 ezmäižen braziližen universitetan aluz om pandud Kuritibha, se om Paranan federaline universitet.

Kuritib om avtoiden tegijoiden kahtenz' surtte keskuz Latinižes Amerikas. Vodes läz 2 mln turistoid tuldas neche puhthaze ekologižešti lidnha.

Geografii da klimat

Lidn sijadase Paranan mägiplatol, nellän penen jogen vezivaradimidenke randoil, 864..1021 m korktusil, 934 metrad ü.m.t. keskmäižel korktusel, 110 km päivlaskmpolehe Atlantižen valdmeren randpolespäi.

Klimat om meren da mägiden subtropine neps, pil'vekaz vodes läbi. Voden keskmäine lämuz om +17,8 C°, tal'vkun-keväz'kun +20,3..+21,4 C°, kezakun-elokun +13,8..+14,9 C°. Ekstremumad oma −5,4 C° (sügüz'ku) i +35,5 C° (reduku, kül'mku). Il'man lämuz voib ületada +28 C° miččel taht kul. Ei voi panda halad vilukus-keväz'kus (keväz'kun minimum om +3,9 C°). Paneb sadegid 1631 mm vodes, enamba redukus (161 mm) i tal'vkus-uhokus (152..226 mm kus), vähemba sulakus-elokus (81..112 mm kus). Kun keskmäine relätivine nepsuz vajehtase 77..83 % röunoiš voden aigan.

Kuritiban lidnümbrikon pind — 435,9 km², sidä kesken lidnanlaptoiden — 319,4 km².

Lidnan municipalitetan jagand (2015)

Eläjad

Vl 2013 lidnan eläjiden lugu oli 1 848 943 ristitud. Kaik 3 210 000 ristituid om lidnaglomeracijas (2013, seičemenz' surtte valdkundas).

Transport

Avtobusad (niiden kesken pit'kad), kiruhavtobusad (Rede Integrada de Transporte, verk radab vspäi 1974, kahtenz' amutte mail'mas) i taksid oma kundaližeks transportaks lidnas. Velotehuziden piduz om sada kilometrad. Metrod ei ole, hot' tender sauvomha ezmäšt jonod oli tedotadud vl 2014.

Rahvahidenkeskeine civiline lendimport Afonsu Pena-prezidentan nimed (CWB / SBCT, 5,5 mln passažiroid vl 2023 i 20 tuh. tonnoid jüguid vl 2021) sijadase 18 km suvipäivnouzmha lidnan keskuzpalaspäi San-Žoze-dus-Pinjais-municipalitetas. Tehtas passažirreisid Suviamerikan erasihe-se pälidnoihe (Buenos Aires, Montevideo, Santjago, Lim), Brazilijan äjihe surihe lidnoihe. Om jügureisid Evropha (Lüksemburg, Milan, Frankfurt), Santjagoho, Majamihe, Brazilijan erasihe-se surihe lidnoihe.

Sebruzlidnad

• Islandii Aküreiri, Islandii (vspäi 2013)
• Asunsjon, Paragvai (1999)
• AÜV Džeksonvill, Florid, AÜV (2009)
• Meksik Gvadalahar, Halisko, Meksik (1999)
• Kitai Hančžou, Čžeczän, Kitai (1999)
• Japonii Himedzi, Japonii (1984)
• Portugalii Koimbr, Portugalii (1975)
• Pol'šanma Krakov, Pol'šanma (1992)
• Montevideo, Urugvai (1990)
• Santa Krus de la Sjerr, Bolivii (1989)
• Korejan Tazovaldkund Suvon, Suvikorei (2009)

Irdkosketused

• Lidnan tobmuden oficialine sait (curitiba.pr.gov.br). (port.)