Koimbr

Koimbr
Coimbra
Lidnanznam;	Flag;
Valdkund	Portugalii
Eläjiden lugu (2011)	143,396 ristitud
Pind	319,40 km²
Telefonkod	+391−292
Aigvö	tal'vel UTC+0,; kezal UTC+1

Koimbr (port.: Coimbra [ˈkwĩbɾɐ]) om lidn Portugalijan keskuzpalan pohjoižes. Se om ühtennimižen municipalitetan keskuz.

Istorii

Eländpunkt oli Koimbran grafkundan pälidnaks vll 871−987 i 1064−1096. Koimbr oli Portugalijan ezmäižeks pälidnaks. Municipalitetan aluz om pandud vl 1111.

Lidn om tetab vanhal järedal universitetal^[1] (23,4 tuhad üläopenikoid vl 2013), eläjiden koumandesen rad om sidodud sihe. Universitetan aluz om pandud Lissabonha vl 1290, no sirtihe sidä se Koimbrha (1308−1338, 1354−1377), se tagaz. Vspäi 1537 universitet radab Koimbras rattemata.

Geografijan andmused

Lidn sijadase Mondegu-jogen randal (port.: Mondego 220 km pitte), 43 m ü.m.t. keskmäižel korktusel. Matkad Lissabon-pälidnhasai om 182 km suvhe.

Vn 2011 rahvahanlugemižen mödhe eläjiden lugu oli 143 396 ristitud 319,40 km² pindal. Läz 430 tuhad eläjid om lidnaglomeracijas (nellänz' surtte valdkundas).