Avaita pämenü


Aküreiri (isl.: Akureyri) om Islandijan lidn valdkundan pohjoižes. Se om valdkundan nellänz' lidn eläjiden lugun mödhe, Pohjoižpäivnouzmaižen agjan administrativine keskuz, mülüb sihe.

Aküreiri
Akureyri
Lidnanznam
Coat of Arms of Akureyri.png
Valdkund Islandii
Eläjiden lugu (2017) 18 488 ristitud
Pind 137,8 km²
Aküreiri Akureyri
Pämez' Asthildur Sturludottir
(2 018—,
Ásthildur Sturludóttir)
Telefonkod +354-461
Aigvö UTC+0

IstoriiRedaktiruida

Eländpunkt mainitase vspäi 1562 nügüdläiženke nimitusenke, kaikenaigaine vspäi 1778. Vl 1786 Danijan kunigaz andoi sille lidnan statusad.

Aküreiri šingotase kalanpüdandan jädumatomal meriportal i sömtegimištol (kala, olud). Lidnan tobj pala lämbitase geotermaližil purtkil 1980-nziš vozišpäi.

Geografijan andmusedRedaktiruida

Lidn sijadase pit'kan fjordan lopun madalal randal. Glerau-jogi (isl.: Glerá) jokseb lidnas. Om korktoid mägid lidnan taga. Mäged kaitas lidnad viluid tulleid vaste.

Klimat om subarktine. Heinkun i elokun lämuz om +10,7..+11,1 C°, tal'vkun-uhokun lämuz −0,8..−1,3 C°. Voden keskmäine lämuz om +3,8 C°. Absolütine minimum oleli −23 C°. Paneb sadegid 540 mm vodes, enamba redukus (72 mm) i kül'mkus-vilukus (57..60 mm kus).

EläjadRedaktiruida

Vl 2009 eläjiden lugu oli 18 041 ristitud. Kaikiš suremb ristitišt om nügüd'.

Aküreirin universitet (vspäi 1987) i kaks' botaništ sadud oma avaitud lidnas. Lidn om valdkundan tal'veližiden sportansuguiden keskuz.

Edeline lidnan pämez' om Eirikur Bjorgvinson (eloku 2010 — 2018, Eiríkur Björn Björgvinsson).

GalereiRedaktiruida

HomaičendadRedaktiruida


IrdkosketusedRedaktiruida