Avaita pämenü

Asunsjon (isp.: Asunción «voznesen'j», täuz' nimituz: Nuestra Señora Santa María de la Asunción; guaran.: Paraguay) om Paragvain pälidn da kaikiš suremb lidn. Se om pälidnan Asunsjon-ümbrikon administrativine keskuz mugažo.

Asunsjon
Asunción (isp.)
Paraguay (guaran.)
 Lidnanznam
Escudo de Asunción (Paraguay).svg
 Flag
Flag of Asunción.svg
Valdkund Paragvai
Eläjiden lugu (2016) 525 294 ristitud
Pind 117 km²
Asunsjon Asunción (isp.) Paraguay (guaran.)
Pämez' Mario Ferreiro
(tal'vku 2 015—)
Telefonkod +595-21
Aigvö tal'vel UTC−4 
kezal UTC−3


Asunsjonan ümbrikod.

IstoriiRedaktiruida

Ispanijalaine Huan de Salasar-konkistador pani lidnan alust vn 1537 15. päiväl elokud. Se oli Ispanijan kolonijan pälidnaks 16.-18. voz'sadoil, ripmatoman Paragvain pälidn vspäi 1811. Vll 1954−1989 Stressner-jenaral sädi sodadiktaturad rezidencijanke lidnas, sodakukerduz lopi hänen tobmut.

Asunsjon šingotase rahaazjišton da rahanpanmižen kompanijoiden keskuseks.

Geografijan andmusedRedaktiruida

Lidn sijadase Paragvain keskusen suves, röunanno Argentinanke, Paragvai-jogen hural tazol randpolel, 43 m korktusel valdmeren pindan päl. Paragvai-jogi ühthejokseb Pil'komaijo-jogenke vastrandal (Parananjogen bassein). 50-tuhaine argentinine Klorind-lidn (isp. Clorinda) seižub vastrandal.

Om tropižid mecoid ümbri lidnas. Klimat om tropine räk. Paneb sadegid 1350 mm vodes, penemb kaiked kezakus-sügüz'kus (40..80 mm kus).

Asunsjon jagase 6 ümbrikho (distrito:ho), ned alajagasoiš 70 rajonha (barrio:ho).

EläjadRedaktiruida

Vl 2009 eläjiden lugu oli 542 023 ristitud. Kaik 2,2 mln ristituid elädas lidnaglomeracijas, se om valdkundan ristitišton koumandez.

Guarani-rahvahad oma enambuses eläjiden keskes.

TransportRedaktiruida

Avtobusad oma kundaližeks transportaks lidnas da sen ümbrištos. Jogiport radab lidnas. Lidn om raudten lopstancii, raudte ühtenzoitab valdkundad Argentinanke.

Rahvahidenkeskeine civiline Sil'vio Pettirossi-aviatoran nimed lendimport (ASU, 1,1 mln passažiroid vl 2017) sijadase päivnouzmaižes Luke-ezilidnas. Sišpäi tehtas reisid Suviamerikan lidnoihe.

IrdkosketusedRedaktiruida