Igark
Igark (ven.: Ига́рка) om Venäman lidn, lidnankund da port Jenisei-jogen Igarkan hijaman oiktal randal, Krasnojarskan randan lodehes. Mülüb Turuhanskan rajonha.
Lidnanznam
|
Flag
|
| Valdkund | Venäma |
| Eläjiden lugu (2021) | 3,634 ristitud |
| Pind | 9,8 km² |
.jpg)
| |
| Pämez' | Vadim Dobromislov (sulaku 2020—) |
| Telefonkod | +7−39 172-xx-xxx |
| Avtokod | 24, 84, 88, 124 |
| Aigvö | UTC+7 (MSK+4) |
Istorii Redigeeri
Venäman merimatkadajad paniba Igarkan tal'vdundsijad kartale ezmäižen kerdan vl 1737. Nügüdläižen eländpunktan aluz om pandud vl 1929 kuti jogiport vedamha ujuden pumaterialoid. Om nimitadud penen jogen mödhe, Jenisein hura ližajogi. Igark sai lidnan statusad vl 1931.
Igark šingotase jogiportal.
Geografijan andmused Redigeeri
Lidn sijadase Pohjoižen nabakehkruden südäimes, igähižen rougun zonas, 20 m ü.m.t. keskmäižel korktusel. Matkad Krasnojarskhasai om 1287 km suvhe orhal vai 1800 km jogedme, Turuhansk-rajonkeskushesai 195 km suvipäivnouzmha orhal, se sijadase Jenisein ülezjogen. Lähembaižed järedad lidnad oma Noril'sk pohjoižhe (220 km orhal) i Uz' Urengoi päivlaskmha (460 km orhal).
Klimat om subarktine, terav kontinentaline, luja vilu oleleb tal'vel. Kavag'mec ümbärdab lidnad 10..20 m kortte. Voden keskmäine lämuz om −8,2 C°. Paneb sadegid 494 mm vodes, enamba kezakus-redukus (50..60 mm kus).
Igark om lidnankundan üks'jäižeks eländpunktaks. Lidnankundan pind — 117,52 km².
Eläjad Redigeeri
Vn 2010 Venäman rahvahanlugemižen mödhe[1] lidnan eläjiden lugu oli 6 183 ristitud. Kaik 4 754 eläjad oli lidnas vl 2017. Kaikiš suremb lidnan ristitišt oli vl 1939 — 23 600 eläjad, lidnankundan vl 1989 — 26 506 eläjad.
Ortodoksižen hristanuskondan ph. Mikulai-čudonsädajan jumalanpert'[2] om saudud vl 1994.
Igarkan äiprofil'ne tehnikum[3] om lidnan professionaližen opendusen aluzkundaks. Igähižen rougun muzei om avaitud lidnas.
Edeline lidnan pämez' om Jevgenii Nikitin (kül'mku 2017—).
Transport Redigeeri
Merilaivad tuldas jogiportha, se seižub 673 kilometras Jenisein jogensuspäi.
Tatanmaine civiline Igark-lendimport (IAA / UOII / ИГР) sijadase kahtes kilometras suvipäivnouzmha lidnaspäi, Jenisein Igarkan sarel. Tehtas reisid Novosibirskha, Tümenin agjan ümbrikoihe da Krasnojarskan randadme, sidä kesken čarterid i punolendimil.
Homaičendad Redigeeri
Irdkosketused Redigeeri
| Igark Vikiaitas |
| Krasnojarskan randan lidnad | ||
| Ačinsk | Artömovsk | Bogotol | Borodino | Divnogorsk | Dudink | Igark | Ilanskii | Jeniseisk | Kansk | Kodinsk | Krasnojarsk | Lesosibirsk | Minusinsk | Nazarovo | Noril'sk | Sosnovoborsk | Šaripovo | Zaozörnii | Zelenogorsk | Železnogorsk | Ujar | Užur | ||