Avaita pämenü


Divnogorsk (ven.: Дивногорск) om Venäman lidn Krasnojarskan randan suves. Se om Krasnojarskan päivlaskmaine ezilidn, Divnogorskan lidnümbrikon administrativine keskuz.

Divnogorsk
Дивногорск
Lidnanznam
Coat of Arms of Divnogorsk (Krasnoyarsk krai) (vector).svg
Valdkund Venäma
Eläjiden lugu (2017) 29 117 ristitud
Pind 56,6 km²
Divnogorsk Дивногорск
Pämez' Jegor Ol' (2 010—)
Telefonkod +7-39 144-xx-xxx
Avtokod 24, 84, 88, 124
Aigvö UTC+7 (MSK+4)

Südäiolend

IstoriiRedaktiruida

Vozil 1888−1920 Znamenskii skit-mez'jumalankodi šingotihe nügüdläižen lidnan territorijal. Jogivaldmad Jenisein randal, savičun, tervanajandan i tohusiden tegimed oliba jumalankodinno. Jumalankodin sauptandan jäl'ghe armotomiden lapsiden kodi oli, vspäi 1930 — Krasnojarskan mectehnikuman abutarh.

Nügüd'aigaižen eländpunktan aluz om pandud vl 1956 kuti Skit-žilo sauvomha Krasnojarskan GES:ad. Udesnimitihe sidä Divnogorskaks vl 1957 Jenisein vastrandan mägiden nimen mödhe (ven.: Дивные горы «čudokahad mäged»). Radnikžilo sai lidnan statusad vl 1963. Vozil 1967−1971 pästtihe töhö GES:an kaikid 12 agregatoid. Vspäi 1970 päraudtestancii om olmas, raudtejonon Krasnojarskaspäi lopstancii.

Geografijan andmusedRedaktiruida

Lidn sijadase Jenisei-jogen oiktal randal, mödvedhe Krasnojarskan vezivaradimen padoseinälpäi, 260 m ü.m.t. keskmäižel korktusel. Matkad Krasnojarskan röunhasai om 20 km päivnouzmha orhal vai «Jenisei»-avtotedme, raudtedme vai jogen mödvedhe.

Ovsänk-külä (vspäi 1671, 2228 rist. vl 2010) i kuz' pen't žilod mülüdas lidnümbrikho Divnogorskan ližaks.

EläjadRedaktiruida

Vn 2010 Venäman rahvahanlugemižen mödhe lidnan eläjiden lugu oli 28 292 ristitud, lidnümbrikon — 32 193 ristitud. Kaikiš suremb lidnan ristitišt oli vl 1996 — 34 300 eläjad. Vl 2017 33 292 ristitud elädas lidnümbrikos.

Professionaližen opendusen aluzkundad: medicinine, gidroenergetine i mectehnologijoiden tehnikumad, olimpižen rezervan sportkolledž, kul'turan i mecsarakon radnikoiden kvalifikacijan lujendusen institutad.

IrdkosketusedRedaktiruida