Kodinsk

Kodinsk
Кодинск
Lidnanznam;	Flag;
Valdkund	Venäma
Eläjiden lugu (2017)	16,312 ristitud
Pind	27 km²
Pämez'	Vladimir Govorskii; (keväz'ku 2006—)
Telefonkod	+7−39 143-xx-xxx
Avtokod	24, 84, 88, 124
Aigvö	UTC+7 (MSK+4)

Kodinsk (ven.: Кодинск) om Venäman lidn Krasnojarskan randan päivnouzmas. Se om Kežman rajonan administrativine keskuz (vspäi 1988).

IstoriiRedigeeri

Eländpunktan aluz om pandud vl 1977 žiloks sauvomha Bogučanan GES:ad. Žilo sai lidnan statusad vl 1989.

Geografijan andmusedRedigeeri

Lidn sijadase taigamecoiš ümbri, Angaranjogen hural randal, 287 m ü.m.t. keskmäižel korktusel, 12 kilometras Bogučanan gidroelektrostancijaspäi. Matkad Krasnojarskaspäi om 476 km pohjoižpäivnouzmha orhal vai 700 km avtotedme. Lähembaižed lidnad oma Ust'-Ilimsk (Irkutskan agj) 220 km päivnouzmha orhal vai 440 km avtotedme, Bratsk (Irkutskan agj) 340 km suvipäivnouzmha avtol i Kansk 335 km suvipäivlaskmha orhal vai 470 km avtotedme.

Siromolotovo-külä (ven.: деревня Сыромолотово, 126 rist. vl 2017) mülüb lidnankundha Kodinskan ližaks. Lidnankundan pind — 28,81 km².

EläjadRedigeeri

Vn 2010 Venäman rahvahanlugemižen mödhe lidnan eläjiden lugu oli 14 873 ristitud^[1], lidnankundan — 15 007 ristitud, rajonan koume nelländest. Kaikiš suremb lidnan ristitišt om nügüd'. Vl 2017 kaik 16 438 ristitud elädas lidnankundas.

OpenduzsijadRedigeeri

Nügüdläižen aigan ratas Kodinskas:

Školad

Kodinskan keskškol № 2
Kodinskan keskškol № 3
Kodinskan keskškol № 4
Lapsen- da norištonsportškol
Muzikškol.

Ližaopenduz

Ližaopendusen keskuz lapsiden täht
Lapsiden sädamižen keskuz.

Professionaline openduz

Angaranverine politehnine tehnikum (PŠ-67 enččel).

Massižen informacijan abutusedRedigeeri

LehtesedRedigeeri

Rajonine lehtez lähtleb Kodinskha:

Kundaliž-politine «Nevondkundaline Angaranver'»-lehtez

TeleviziiRedigeeri

Neniden federaližiden TV-kanaloiden signalad ottas lidnas kaikjal: «Ezmäine», «Venäma», STS-Kodinsk, REN TV, «Jenisei» (Krasnojarskan randan valdkundaline TV-kanal). «Kodinskan lidnalaižen TV-radiokompanijan» programad lähttas regulärižikš STS-Kodinsk:an paksudel.

Om voimust lidnas ühtneda analogižhe kabel'televizijha, AAS «Kabel'televizijan verkod» anttas necidä voimust. AAS «DKV» (Digitaližed Kabel'verkod) tegeb ühtnemižen digitaližhe TV:ha vanutud paran turbiš.

InternetRedigeeri

Kaik 5 internet-provaiderad ratas lidnas: SRV «Radiosväz'», PAS «Rostelekom», IE Trofimov (Wi-Fi, katab kaiked lidnad), SRV «IT Telekom».

Mobiline sidoRedigeeri

Kaik 4 operatorad ratas mobiližen sidon GSM-standartad lidnas, kuti randan-ki territorijal:

Bilain
Tele2 (ETK enččel)
MTS
MegaFon (üks'jäine nelländen sugupol'ven verkonke — 4G)

EkonomikRedigeeri

TehmineRedigeeri

Järedad edheotandad ratas lidnas:

Bogučanan GES
Angaranveren Mecanümbriradmižen kompleks
Kodinskan Mecanümbriradmižen kombinat.

BankadRedigeeri

Mugažo 3 ekspresskredituindan sijad ratas «Merkurii»-torguindkompleksas: Päivnouzmaine ekspressbank, Houm kredit end finans bank, OTP-Bank.

TorguindRedigeeri

«Merkurii»-torguindkompleks
Torguindkeskused: «Aleksandrovskii», «Laim»
Supermarketad: «XXI. voz'sada», «Baikal», «Favorit», «Fortuna», «Sever», «Stels»
Sauvondmarket «Stroi-ka».

Kundaline sömineRedigeeri

Restoranad: «Berendei», «Grand»
Öline «Blüz»-klub
Kafe-barad: «Angara», «Fregat», «Jeralaš»
Kafed: «Kal'huziden sar'», «Navigator»

Mugažo voib pakitoitta lidnas sušid, rollad, picc, šašlik, uzbekine plov, tortad satandanke kodihe.

HomaičendadRedigeeri

↑ Численность населения Российской Федерации по городам, поселкам городского типа и районам на 1 января 2010 года (Venälaižen Federacijan ristitišton lugumär lidnoidme, lidnanvuiččid žiloidme da rajonidme vn 2010 1. päiväl vilukud). — Rosstat (gks.ru). (ven.)

IrdkosketusedRedigeeri

Kodinsk Vikiaitas

	Krasnojarskan randan lidnad
	Ačinsk \| Artömovsk \| Bogotol \| Borodino \| Divnogorsk \| Dudink \| Igark \| Ilanskii \| Jeniseisk \| Kansk \| Kodinsk \| Krasnojarsk \| Lesosibirsk \| Minusinsk \| Nazarovo \| Noril'sk \| Sosnovoborsk \| Šaripovo \| Zaozörnii \| Zelenogorsk \| Železnogorsk \| Ujar \| Užur

[1] Численность населения Российской Федерации по городам, поселкам городского типа и районам на 1 января 2010 года (Venälaižen Federacijan ristitišton lugumär lidnoidme, lidnanvuiččid žiloidme da rajonidme vn 2010 1. päiväl vilukud). — Rosstat (gks.ru). (ven.)

[1]

Lidnanznam	Flag
Valdkund	Venäma
Eläjiden lugu (2017)	16,312 ristitud
Pind	27 km²

Pämez'	Vladimir Govorskii (keväz'ku 2006—)
Telefonkod	+7−39 143-xx-xxx
Avtokod	24, 84, 88, 124
Aigvö	UTC+7 (MSK+4)