Avaita pämenü


Užur (ven.: Ужур) om Venäman lidn da lidnankund Krasnojarskan randan suvipäivlaskmaiženno röunanno. Se om Užuran rajonan administrativine keskuz.

Užur
Ужур
 Lidnanznam
Coat of arms of Uzhur (2010).png
 Flag
Flag of Uzhur (Krasnoyarsk krai).png
Valdkund Venäma
Eläjiden lugu (2017) 15 568 ristitud
Pind 38,9 km²
Užur Ужур
Pämez' Oleg Kirillov (2 015—)
Telefonkod +7-39 156-xx-xxx
Aigvö UTC+7 (MSK+4)

IstoriiRedaktiruida

Eländpunktan aluz om pandud vl 1760 kuti hakaslaižiden külä (ulus), nimituz znamoičeb «jogensu» (burät.: үзүүр). Užur-raudtestancii om kävutamas vn 1923 uhokuspäi.

Užur om lidnan statusanke vspäi 1953. Om äi sömtegimišton edheotandoid (maidtegim, leibtegim, kalanümbriradai tegim), ratas sijališt torhut.

Geografijan andmusedRedaktiruida

Lidn sijadase Užurk-jogen hural randal tobjimalaz (ven.: Ужурка, Čulim-jogen hura randpol'), kesked maižanduzrajonad, 390 m keskmäižel korktusel valdmeren pindan päl. Se seižub 206 km suvipäivlaskmha Krasnojarskaspäi orhal, 303 km avtotedme, «AčinskAbakan»-raudtejonol i avtotel. Matkad Čulim-jogehesai om 25 km suvhe orhal. Lähembaine lidn om Šaripovo 47 km lodeheze orhal vai 75 km avtotedme.

Užur om lidnankundan üks'jäine eländpunkt. Lidnankundan pind — 587,95 km².

EläjadRedaktiruida

Vn 2010 Venäman rahvahanlugemižen mödhe eläjiden lugu oli 16 093 ristitud, rajonan ristitišton pol'. Kaikiš suremb ristitišt oli vl 1992 — 29 100 eläjad, edel Užur-4-eländpunktan erištundad. Sauptud administrativiž-territorialižhe "Solnečnii"-ühtnik (ende Užur-4, raketlidnut, 10 tuh. eläjid, 3,84 km²) sijadase ani suvipäivlaskmha lidnaspäi. Ortodoksižen hristanuskondan Petran da Pavlan pühäpert' om saudud vozil 1778−1824 kuti missionerine forpost.

Professionaližen opendusen aluzkund om Užuran äiprofil'ne tehnikum.

HomaičendadRedaktiruida


IrdkosketusedRedaktiruida