Ačinsk (ven.: Ачинск) om Venäman lidn, lidnümbrik i raudtesol'm Krasnojarskan randan suvipäivlaskmas. Se om randan koumanz' surtte lidn, om lidnaks randan alištusenke. Mugažo Ačinskan rajonan administrativine keskuz, ei mülü rajonha.

Ačinsk
Ачинск
 Lidnanznam
Coat of arms of Achinsk (2006).png
 Flag
Flag of Achinsk (Krasnoyarsk krai).png
Valdkund Venäma
Eläjiden lugu (2020) 105,531 ristitud
Pind 103,21 km²
Ačinsk Ачинск
Pämez' Aleksandr Tokarev
(viluku 2021—)
Telefonkod +7−39 151-xx-xxx
Avtokod 24, 84, 88, 124
Aigvö UTC+7 (MSK+4)


Tramvain maršrutad lidnan kartal (2017)

IstoriiRedigeeri

Ezmäižen Ačinskan lidnusen (ven.: Ачинский острог) aluz oli pandud 30 km suvipäivlaskmha nügüd'aigaižes lidnaspäi Čuliman randal vl 1641 kaičemha Tomskad Jenisein kirgizlaižid vaste. Om nimitadud heiden «ačid / ačigid»-heimon mödhe. Vl 1683 lidnuz paloi lophu, i sil-žo vodel panihe Ačinskan lidnust tošti nügüdläižel sijadusel. Sibirin trakt läbiti sidä.

Vl 1782 anttihe makundan lidnan statusad. Vspäi 1822 oli mülünu udeks pandud Jenisein gubernijha. 19. voz'sadal lidn tegihe tarbhaižeks keskuseks otmaha Sibirid kävutamižhe.

Ačinskan ižandusen päsarakod oma alüminijan samine sen hapandusespäi, sauvondmaterialiden tehmine (cement) alüminijankombinatan jändusiden kävutamiženke, Ačinskan kivivoinümbriradai tegim (torhuden 7,5 mln tonnoid vodes, üks'jäine mugoine randas). Vozil 2005−2007 sömtegimišton da kebnan tegimišton sarakod oma muretud.

Geografijan andmusedRedigeeri

Lidn sijadase madalan amuižen Arg-mägisel'gan pautkil, Čulim (Ijus)-jogen oiktal randal, 220 m keskmäižel korktusel valdmeren pindan päl. Matkad Krasnojarskhasai om 160 km päivnouzmha Transsib-raudtedme. Lähembaižed lidnad oma Nazarovo 30 km suvhe i Bogotol 60 km päivlaskmha.

Klimat om terav kontinentaline, tal'v om vilu. Voden keskmäine lämuz om +0,8 C°, heinkun — +19,1 C°, vilukun oleleb −15 C°.

Mazul'skii-žilo (1267 rist. vl 2020) mülüb lidnümbrikho Ačinskan ližaks.

EläjadRedigeeri

 
Keskuzfontan vl 2015

Vn 2010 Venäman rahvahanlugemižen mödhe eläjiden lugu oli 109 155 ristitud. Kaikiš suremb ristitišt oli 120..123 tuhad eläjid vozil 1985−2001.

Ortodoksižen hristanuskondan Jumalanmaman Kazanin jumalaižen päjumalanpert' i kaks' časounäd[1] oma saudud lidnas.

Edeline lidnan pämez' om Ilai Ahmetov (sulaku 2007 — kezaku 2020).

TransportRedigeeri

Avtobusad, tramvaid, maršruttaksid da taksid oma kundaližeks transportaks lidnas.

Tatanmaine soda- da civiline Ačinsk-lendimport (ACS / АЧН) sijadase 4 km päivnouzmha lidnaspäi, tehtas vaiše päzutajiden eriližid reisid.

GalereiRedigeeri

HomaičendadRedigeeri

  1. Ačinskan pühäpertid sobory.ru-saital. (ven.)

IrdkosketusedRedigeeri



Krasnojarskan randan lidnad
Ačinsk | Artömovsk | Bogotol | Borodino | Divnogorsk | Dudink | Igark | Ilanskii | Jeniseisk | Kansk | Kodinsk | Krasnojarsk | Lesosibirsk | Minusinsk | Nazarovo | Noril'sk | Sosnovoborsk | Šaripovo | Zaozörnii | Zelenogorsk | Železnogorsk | Ujar | Užur