Burgas

Burgas (bolg.: Бургас [burˈɡas]) om Bolgarijan lidn, kurort da meriport valdkundan päivnouzmas, Mustmeren randal. Se om valdkundan nellänz' lidn eläjiden lugun mödhe, Burgasan agjan adnimistrativine keskuz.

Burgas
Бургас

Lidnanznam	Flag
Valdkund	Bolgarii
Eläjiden lugu (2022)	210,566 ristitud
Pind	253,64 km²
Pämez'	Dimitar Nikolov (2007—)
Telefonkod	+359-(0)56
Aigvö	tal'vel UTC+2, kezal UTC+3

Istorii

Amuine grekine Pirgos-lidn (grek.: Πυργος «čuhunduz») oli olmas Burgasan sijas. Nügüdläižen eländpunktan aluz om pandud 17. voz'sadal kalanpüdajiden külän sijas. Vl 1890 raudte ühtenzoiti lidnad Sofijanke.

Burgas šingotase järedal kivivoihimižel kombinatal, sömtegimištol, tekstiližen sarakon edheotandoil i maišiništonsauvomižel, mugažo meriportaks i lebutahoks.

Geografijan andmused

Lidn sijadase 0..209 m ü.m.t. korktusil, mererandal i Burgasan järviden randoil. Matkad Sofijhasai om 385 km päivlaskmha.

Klimat om ven vilun pohjoižen merijoksmusen tagut. Keza om päivoikaz lujas, tal'v om pil'vekaz. Voden keskmäine lämuz om +13,3 C°, heinkun-elokun +23,8..+23,9 C°, kezakun i sügüz'kun +19,7..+21,4 C°, tal'vkun-uhokun +2,9..+4,6 C°. Ekstremumad oma −21,6 C° (viluku) i +42,8 C° (kezaku). Kezaaigan minimum om +6,0 C° (kezaku), tal'vaigan maksimum om +23,2 C° (tal'vku, uhoku). Ei voi panda halad semendkus-sügüz'kus (semendkun minimum om +2,2 C°). Paneb sadegid 558 mm vodes, kuidme läz tazomäras, enamba redukus (65 mm), vähemba elokus (24 mm). Kun keskmäine relätivine nepsuz vajehtase 71..73 % röunoiš kezakus-sügüz'kus, 75..81 % toižiš kuiš.

Eläjad

Vn 2011 Bolgarijan rahvahanlugemižen mödhe lidnan eläjiden lugu oli 219 098 ristitud. Kaik 206 371 eläjad oli lidnas vl 2015. Kaikiš suremb lidnan ristitišt oli 225 455 eläjad vl 1999.

Rahvahad (enamba 0,6 % vl 2011): bolgarijalaižed — 78,5 %, turkad — 1,7 %, čiganalaižed — 0,6 %, toižed rahvahad — 1,9 %, rahvahuden ozutandata — 17,3 %.

Transport

Avtobusad, trolleibusad da taksid oma kundaližeks transportaks lidnas, merivagzal radab.

Rahvahidenkeskeine civiline Burgas-lendimport (bolg.: летище Бургас, BOJ / LBBG) sijadase kümnes kilometras pohjoižpäivnouzmha lidnan keskusespäi. Tehtas reisiden enambust kezaaigan, sidä kesken čarterreisid, letas Evropan maihe, mugažo Bolgarijadme. Lendimport vastsi koumed millionad passažiroid vl 2017, valdkundan kahtenz' surtte Sofijan jäl'ghe.

Sebruzlidnad

Grekanma Aleksandrupolis, Grekanma Gruzii Batum, Gruzii (vspäi 2009) Turkanma Jalov, Turkanma Kitai Jan'tai, Šan'dun, Kitai

Venäma Krasnodar, Venäma Mad'jaranma Miškol'c, Mad'jaranma Gruzii Poti, Gruzii Alamad Rotterdam, Alamad (1976)

Irdkosketused

• Municipalitetan oficialine sait (burgas.bg). (angl.) (bolg.) (ven.)
• Lidnan informacine sait (burgas.org). (bolg.)