Avaita pämenü


Batum (gruz.: ბათუმი Batumi) om Gruzijan lidn, meriport da kurort Mustmeren randal. Se om Adžarijan pälidn, valdkundan turistine keskuz.

Batum
ბათუმი (Batumi)
 Lidnanznam
Batumi COA.JPG
 Flag
Flag of Batumi.svg
Valdkund Gruzii
Eläjiden lugu (2018) 163 440 ristitud
Pind 64,94 km²
Batum ბათუმი (Batumi)
Pämez' Laša Komahidze
(kül'mku 2 017—)
Telefonkod +995-422
Aigvö UTC+4

Südäiolend

IstoriiRedaktiruida

Eländpunkt mainitase ezmäižen kerdan 4. voz'sadal EME kuti Batus (amuižgrek.: Βαθύς) Aristotel'-filosofan tedotöiš. Keskaigal i vhesai 1878 nimitihe lidnad Batomi. Sid' lidn oli mülünu Venäman imperijha, nimituz oli Batum gruzijan kelel vhesai 1936. Vl 1883 raudte ühtenzoiti lidnad Bakunke da sen kivivoin löundmižsijidenke. Batum sai oficiališt lidnan statusad vl 1888.

Batum šingotase omblendtegimištol (kengäd, sobad), sömtegimištol (čai, kofein, tabak) i zell'fabrikal. Kivivoiterminal i konteinerterminal ratas meriportas.

Geografijan andmusedRedaktiruida

Lidn sijadase Mustmeren Batuman lahten mererandaližel alangištol, 2..3 m ü.m.t. keskmäižel korktusel.

Klimat om subtropine neps. Elokun lämuz om +23,1 C°, vilukun-uhokun — +6,6 C°. Voden keskmäine lämuz om +14,5 C°. Lämuden absolütine minimum om −8,2 C°, lumi katab mad 2 nedalid vodes. Paneb sadegid 2435 mm vodes, vähemba sulakus-semendkus (108..113 mm kus).

Batum jagase 7 ümbrikoks vspäi 2008.

EläjadRedaktiruida

Vn 2014 Gruzijan rahvahanlugemižen mödhe eläjiden lugu oli 152 839 ristitud. Kaikiš suremb ristitišt om nügüd'. Lidnan pind oli 19 km² vhesai 2012. Vn 1989 ristitišt (136 930 eläjad) poleni vodele 2002 (121 806 rist.).

Rahvahad (2014): gruzijalaižed (adžarialaižed) — 93,4%, armenijalaižed — 3,0%, venänikad — 1,9%, ukrainalaižed — 0,4%, toižed rahvahad — 1,3%.

Seičemen uskondan pühäpertid om avaitud lidnas, enamba kaiked ortodoksižen hristanuskondan.

Tetabad ristitudRedaktiruida

IrdkosketusedRedaktiruida