Juhnov

Juhnov (ven.: Ю́хнов) om Venäman lidn da lidnankund Kalugan agjan lodehes. Se om Juhnovan rajonan administrativine keskuz.

Juhnov
Юхнов

Lidnanznam
Valdkund	Venäma
Eläjiden lugu (2018-01-01)	5,985 ristitud
Pind	9,04 km²
Pämez'	Jelena Močalova (kku 20—)
Telefonkod	+7−48 436-xx-xxx
Avtokod	40
Aigvö	UTC+3 (MSK+0)

Istorii

Eländpunkt mainitase 15. voz'sadaspäi kuti Juhnovan Kazanin mez'jumalankodi. Žilo sai lidnan statusad vl 1777, makundan keskuz vspäi 1796. Šingotihe kahten mectegimel i Varšavan avtotel. Vl 1921 lämoipalo mureni lidnad. Toižen mail'man sodan aigan lidn oli okkupiruidud nacistoil (kül'mku 1941 — 5. keväz'ku 1942).

Juhnov šingotase sauvondmaterialiden pästandal (mecan ümbriradmine, plastikiknad) i omblendfabrikal. Maižanduzrajonan keskuz.

Geografijan andmused

Lidn sijadase rajonan keskuzpalan lodehes, Ugr-jogen oiktal randal (ven.: Угра 399 km pitte, Okan hurapol'ne bassein), 150 m ü.m.t. keskmäižel korktusel. Matkad Kalughasai om 00 km suvhe-suvipäivnouzmha orhal vai 00 km avtotel. Toižed lähembaižed lidnad oma Medin' 00 km pohjoižpäivnouzmha orhal vai 00 km avtotedme, Kondrovo 00 km päivnouzmha orhal vai 00 km avtotedme, i Mosal'sk 00 km suvipäivlaskmha orhal vai 00 km avtotedme. «Moskv — Roslavl'»-avtote i «Kalug — Väz'm»-avtote ristikoitas lidnas.

Juhnov om lidnankundan üks'jäine eländpunkt. Lidnankundan pind — 9,04 km².

Eläjad

Vl 1939 lidnan ristitišt oli 3 769 eläjad. Vn 2010 Venäman rahvahanlugemižen mödhe eläjiden lugu oli 7 056 ristitud. Kaikiš suremb lidnan ristitišt oli enamba 7 tuhad eläjid vl 1979 i vll 2000−2011 (7 700 rist. vl 2003), rajonan viž ühesandest. Ortodoksižen hristanuskondan pühäpert' om olmas lidnas.

Rahvahad (2010): venälaižed — 94,6%, ukrainalaižed — 1,4%, toižed rahvahad — 4,0%.

Professionaližen opendusen aluzkund om Juhnovan kolledž.

Galerei

• 
  Lidnan pühäpert'
  vl 2014
• 
  «Avtomobilist»-edheotandan sauvuz
  vl 2008
• 
  Jaugnikoiden sild Juhnovan järves päliči

Irdkosketused

• Lidnan da rajonan tobmuden aluzkundoiden sait (juhnov.ru). (ven.)