Meščovsk

lidn Venämas

Meščovsk (ven.: Мещо́вск) om Venäman lidn da lidnankund Kalugan agjan keskuzpalas. Se om Meščovskan rajonan administrativine keskuz.

Meščovsk
Мещовск
Lidnanznam
Valdkund Venäma
Eläjiden lugu (2019-01-01) 3,845 ristitud
Pind 5 km²
Meščovsk Мещовск
Pämez' Galina Golikova
(eloku 2016—)
Telefonkod +7−48 446-xx-xxx
Avtokod 40
Aigvö UTC+3 (MSK+0)


Jumalanmaman Blagoveššenjan päjumalanpert' (vanh), vn 2018 nägu

Istorii vajehta

Eländpunkt mainitase ezmäižen kerdan vl 1238 kuti Tarusan ruhtinazkundan jagusen keskuz. Lidn alištui Suren Litvanman ruhtinazkundan tobmudele 15. voz'sadal, sil-žo aigal mainitaškanzihe aigkirjoiš avaros Mezsčevsk, Mezeck, Mezečesk, Meščersk-nimitusidenke (ven.: Мезсчевск, Мезецк, Мезеческ, Мещерск). Vspäi 1776 om makundan lidnan oficialiženke statusanke. Toižen mail'man sodan aigan lidn oli okkupiruidud nacistoil lühüdaks pordoks (reduku 1941 — 6. viluku 1942), no oli muretud lujas.

Meščovsk šingotase valdkundaližil holitišil. Nevondkundaližen aigan nened sarakod radoiba: sömtegimišt (trahmalantegim), omblendedheotandad, sauvondmaterialiden pästand (sauvondmujud, asfal't).

Geografijan andmused vajehta

Lidn sijadase rajonan keskuzpalas, Turei-jogen oiktal randal (ven.: Турея 21 km pitte, Okan hurapol'ne bassein), 215 m ü.m.t. keskmäižel korktusel. Vezivaradim om saudud jogel lidnan päivlaskmas. Matkad Kalughasai om 67 km päivnouzmha-pohjoižpäivnouzmha orhal vai 84 km avtotel. Lähembaižed lidnad oma Mosal'sk 27 km lodeheze orhal vai 30 km avtotedme, i Suhiniči (raudtestancii) 25 km pohjoižhe orhal vai 41 km avtotedme. Lidn ühtenzoitase «Moskv — Bränsk»-avtotenke (M3 «Ukrain»), matkad sihesai om 15 km.

Kaik 14 žilod i 34 küläd mülüdas lidnankundha Meščovskan ližaks. Lidnankundan pind — 38,62 km².

Eläjad vajehta

Vl 1857 lidnan ristitišt oli 5 429 eläjad, vl 1939 — 3 629 eläjad. Vn 2010 Venäman rahvahanlugemižen mödhe lidnan eläjiden lugu oli 4 100 ristitud, rajonan koumandez, lidnankundan — 5 880 ristitud. Kaikiš suremb lidnan ristitišt oli läz 5 400 eläjad vll 1857−1859 i vll 1989−1996. Vl 2018 kaik 5 874 ristitud elihe lidnankundas.

Rahvahad (2010): venälaižed — 91,3%, armenijalaižed — 2,7%, ukrainalaižed — 2,3%, toižed rahvahad — 3,7%.

Ortodoksižen hristanuskondan Jumalanmaman Blagoveššenjan kaks' päjumalanpertid om olmas lidnas — vanh i uz', mugažo ph. Jurgijan mez'jumalankodi radab lidnanno.

Kirovan industrialiž-pedagogine kolledž, sem Meščovskan filial[1] om lidnan professionaližen opendusen aluzkundaks.

Homaičendad vajehta

  1. Kirovan industrialiž-pedagogižen kolledž — Meščovskan filialan sait (mipkcollege.ru). (ven.)

Irdkosketused vajehta



Kalugan agjan lidnad
Balabanovo | Belousovo | Borovsk | Jermolino | Juhnov | Kalug | Kirov | Kondrovo | Kozel'sk | Kremönki | Lüdinovo | Malojaroslavec | Medin' | Meščovsk | Mosal'sk | Obninsk | Sosenskii | Spas-Demensk | Suhiniči | Žizdr | Žukov | Tarus