Dno

lidn Venämas


Dno (ven.: Дно) om Venäman lidn da raudtesol'm Pskovan agjan keskuzpalan päivnouzmas. Se om Dnon rajonan i lidnankundan administrativine keskuz.

Dno
Дно
Lidnanznam
Coat of Arms of Dno (Pskov oblast).png
Valdkund Venäma
Eläjiden lugu (2017) 7,855 ristitud
Dno Дно
Pämez' Gennadii Jaružnii
(reduku 2015—)
Telefonkod +7−81 135-xx-xxx
Avtokod 60
Aigvö UTC+3 (MSK+0)

IstoriiRedigeeri

Ezmäižed küläd mainitasoiš Uz'lidnan aigkirjas 15. voz'sadan augotišel, nimitihe niid Sur' Dno (ven.: Дно Большое) i Penemb Donce (ven.: Донце Меньшое). 19. voz'sadan lopus läz 600 ristitud elihe Dno-küläs (vai Donščin, ven.: Донщина), se šingotaškanzihe raudtestancijaks «PiterVitebsk»- i «PskovBologoje»-jonoil.

Vl 1925 Dno sai lidnan statusad. Eläjiden enambuz radab raudten edheotandoiš tähäsai, mugažo saudihe astjoiden tegint i abrazivtegint.

Geografijan andmusedRedigeeri

Lidn sijadase penen Suhovk-jogen randoil (ven.: Суховка, Šelon'-jogen i Il'mjärven bassein), 70 m ü.m.t. keskmäižel korktusel. Om 95 km päivlaskmha matkad Pskovhasai orhal vai 110 km avtotedme. Lähembaine lidn om Porhov 26 km päivlaskmha orhal, raudtedme vai avtotedme. Molembad raudtejonod ühtenzoitasoiš lidnan röunoiš, Dno-raudtestancii om olmas.

43 pen't küläd da 1 futor mülüdas lidnankundha Dnon ližaks vspäi 2015. Lidnankundan pind — 13,82 km².

EläjadRedigeeri

Vn 2010 Venäman rahvahanlugemižen mödhe eläjiden lugu oli 9 061 ristitud (rajonan ristitišton kaks' koumandest), lidnankundan — 9 183 ristitud (ližaduihe kaks' küläd futoranke edel 2015. vot). Kaikiš suremb lidnan ristitišt oli 12 400 eläjad vl 1992. Vl 2017 kaik 8677 ristitud elihe lidnankundas.

Dnon raudtetehnikum om professionaližen opendusen aluzkundaks. Ortodoksižen hristanuskondan Mikoi-arhangelan pühäpert' om lidnas, saudihe vll 1821−1825.

GalereiRedigeeri

HomaičendadRedigeeri


IrdkosketusedRedigeeri



Pskovan agjan lidnad
Dno | Gdov | Nevel' | Novoržev | Novosokol'niki | Opočk | Ostrov | Petseri | Pitalovo | Porhov | Pskov | Pustošk | Sebež | Velikije Luki