Nevel'
Nevel' (ven.: Не́вель) om Venäman lidn, lidnankund da transporttesol'm Pskovan agjan suves. Se om Nevelin rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2020) | 14,481 ristitud |
| Pind | 23,37 km² |
| |
| Pämez' | Valerii Šaligin (tal'vku 2015—) |
| Telefonkod | +7−81 151-xx-xxx |
| Avtokod | 60 |
| Aigvö | UTC+3 (MSK+0) |
Istorii vajehta
Eländpunkt mainitase ezmäižen kerdan Suren Ivan III-ruhtinasen zavetoičendas kuti Nevl' vl 1504, nimitihe järven mödhe. Sai torguindlidnan oiktusid Reč Pospolitai-valdkundas vl 1624. Anttihe Venäman lidnan oficiališt statusad vl 1773. Mülüi tahostuzröunha, evrejalaižed oliba enambuses 19. (kahtenz' pol') i 20. (ezmäine pol') voz'sadal, venälaižed i ortodoksine hristanuskond oliba kahtended levigandusen mödhe.
Toižen mail'man sodan aigan oli okkupuruidud nacistoil, vozil 1941 (16. heinku) — 1943 (7. reduku). Vspäi 1944 mülüi Velikije Lukin agjaha, vspäi 1957 om Pskovan agjan palaks.
Nevel' šingotase metallan ümbriradmižen edheotandoil, kahtel omblendfabrikal, päčiden i sauvondsegoitusiden tegimel[1], Lugan abrazivtegimen filialal, maidtegimel[2], mugažo kombisötken tegim radab.
Geografijan andmused vajehta
Lidn sijadase ühtennimižen järven pohjoižel randal, 155 m ü.m.t. keskmäižel korktusel. Matkad Pskovhasai om 242 km lodeheze avtotedme. Lähembaižed järedad lidnad oma Velikije Luki 70 km pohjoižpäivnouzmha avtotedme i Vitebsk (Vaugedvenäma) 95 km suvhe avtotedme.
Nevel' om lidnankundan üks'jäine eländpunkt.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 16 324 ristitud, rajonan ristitišton kaks' koumandest. Kaikiš suremb lidnan ristitišt oli 22 368 eläjad vl 1989. Kaik 15 133 eläjad oli lidnas vl 2017.
Ortodoksižen hristanuskondan koume pühäpertid[3] oma avaitud lidnas: Eläban Eziauguižen Stroican kafedraline päjumalanpert' (om saudud 1850−1860-nzil vozil), ph. Panteleimon-spravitajan jumalanpert', Pühän Jumalanmaman Emäganpäivän časoun'.
Velikije Lukin politehnižen kolledžan Nevelin filial[4] (ende Nevelin äiprofil'ne tehnikum) om lidnan professionaližen opendusen aluzkundaks.
Galerei vajehta
-
Muštnik Suren sodan vägimehile (2015)
-
Eläban Eziauguižen Stroican päjumalanpert', vn 2010 nägu
-
Profškol (2008)
-
Kodirandantedištandmuzei (2012), ende počtanstancii
-
Päraudtestancijan sauvuz vl 2008
.jpg)
Homaičendad vajehta
Irdkosketused vajehta
- Lidnan tobmuden aluzkundoiden lehtpoled Nevelin rajonan oficialižel saital (nevel.reg60.ru). (ven.)
- Lidnan da rajonan kul'turan sait (kulturanevel.ru). (ven.)
| Nevel' Vikiaitas |
| Pskovan agjan lidnad | ||
| Dno | Gdov | Nevel' | Novoržev | Novosokol'niki | Opočk | Ostrov | Petseri | Pitalovo | Porhov | Pskov | Pustošk | Sebež | Velikije Luki | ||