Sebež

Sebež
Себеж
	Lidnanznam;
Valdkund	Venäma
Eläjiden lugu (2017)	5,452 ristitud
Pind	8 km²
Pämez'	Gennadii Vasil'jev; (2005—)
Telefonkod	+7−81 140-xx-xxx
Avtokod	60
Aigvö	UTC+3 (MSK+0)

Sebež (ven.: Себеж) om Venäman lidn Pskovan agjan suvipäivlaskmas. Se om Sebežan rajonan, lidnankundan (mülüb sihe) da Sebežan küläkundan administrativine keskuz.

IstoriiRedigeeri

Eländpunktan aluz om pandud Ivangorod Sebežal-pulidnuseks (ven.: Ивангород-на-Себеже) vl 1535 tehmaha londoid Litvanmaha, sen jändused oma kaičenus. Mainitase nügüdläiženke nimenke Ivan Grazijan zavetoičendas vl 1572. 16.-18. voz'sadoil Sebež oli se Reč Pospolitai-valdkundan palaks, se Venäman palaks. Sebež sai torguindlidnan oiktusid vl 1623, Venäman makundan lidnan statusad vl 1772.

Geografijan andmusedRedigeeri

Lidn om röunanverine, sijadase Sebež- da Orono-järviden keskes (Päivlaskmaižen Dvinan bassein), 130 m ü.m.t. keskmäižel korktusel. Matkad Pskovhasai om 170 km pohjoižhe orhal vai 190 km avtotedme. Lähembaižed lidnad oma Opočk 60 km pohjoižhe avtotedme, Pustošk 60 km päivnouzmha avtotedme i Zilupe (Latvii) 28 km päivlaskmha avtotedme. Sebežan rahvahaline puišt levigandeb suvhe lidnaspäi Vaugedvenämahasai.

Ühthemänho 68 küläd mülüdas lidnankundha Sebežan ližaks. Lidnankundan pind om 275,13 km².

EläjadRedigeeri

Vl 2010 lidnan eläjiden lugu oli 6 375 ristitud (rajonan ristitišton kaks' seičemendest), lidnankundan — 8 354 ristitud. Kaikiš suremb lidnan ristitišt oli 10 501 eläjad vl 1979. Vl 2017 kaik 7 348 ristitud elihe lidnankundas.

Ortodoksižen hristanuskondan Ph. Stroican jumalapert' om lidnas (kostöl enččes), om vanhid erižpertid. Kaiken istorijan aigan lidn paloi, anastihe sidä, i udessündutihe vitkos jogo kerdan. 19. voz'sadal judaizman uskojad da evrejalaižed tuliba enambushe. Toižen mail'man sodan jäl'ghe om kaikiš enamb ortodoksižid hristanuskojid da venälaižid.

Ižanduz da transportRedigeeri

Ižandusen päsarakod oma sauvondmaterialiden tehmine (raudbetontegesed, pulaudad) i turizm. Pskovan agrotehnižen kolledžan filial om professionaližen opendusen aluzkundaks.

Avtobusad oma kundaližtransportaks lidnas. Sebež-raudtestancii sijadase lidnan pohjoižröunanno «Moskv — Rig»-jonol vspäi 1901, raudten muit om lidnas. Koume avtotesarakod ühtenzoittas lidnad «Baltii»-trassanke (E22). Kaks' röunpäličmänendtahod om lidnan ümbrištos: «Buračkid — Terehovo» Lätänmanke 20 km päivlaskmha i «Doloscid — Juhovičid» Vaugedvenämanke 35 km suvipäivlaskmha.

GalereiRedigeeri

Lidnan simvol — enččen Raštvoiden päjumalanpertin kellčuhunduz, vn 2006 nägu
Pühän Stroican jumalapert', vn 2016 nägu
Lauk (2016), ende Selüginan pert'
Sebežan kodirandantedištandmuzei vl 2017
Avtobusstancii (2013)

HomaičendadRedigeeri

IrdkosketusedRedigeeri

Sebež Vikiaitas

	Pskovan agjan lidnad
	Dno \| Gdov \| Nevel' \| Novoržev \| Novosokol'niki \| Opočk \| Ostrov \| Petseri \| Pitalovo \| Porhov \| Pskov \| Pustošk \| Sebež \| Velikije Luki

Lidnanznam
Valdkund	Venäma
Eläjiden lugu (2017)	5,452 ristitud
Pind	8 km²

Pämez'	Gennadii Vasil'jev (2005—)
Telefonkod	+7−81 140-xx-xxx
Avtokod	60
Aigvö	UTC+3 (MSK+0)