Opočk

Opočk (ven.: Опочка) om Venäman lidn da lidnankund Pskovan agjan suvipäivlaskmas. Se om Opočkan rajonan administrativine keskuz.

Opočk
Опочка

Lidnanznam
Valdkund	Venäma
Eläjiden lugu (2017)	10,307 ristitud
Pind	23,91 km²
Pämez'	Nina Smirnova (semendku 2013—)
Telefonkod	+7−81 138-xx-xxx
Avtokod	60
Aigvö	UTC+3 (MSK+0)

Istorii

Eländpunktan aluz om pandud vl 1341 kuti Opočk-külä. Se sai lidnan statusad vl 1412 lidnusen alusenke ühtes. Saudihe lidnusen vajehtamha muretud Kolože-lidnust, kudamban jändused sijadasoiš 11 km päivnouzmha nügüd'aigaižes lidnaspäi.

Geografijan andmused

Lidn sijadase Sur'-jogen randoil (Peipusjärven bassein), 90 m ü.m.t. keskmäižel korktusel. Matkad Pskovhasai om 125 km pohjoižhe orhal vai 130 km avtotedme. Lähembaižed lidnad oma Novoržev 60 km pohjoižpäivnouzmha avtotedme, Sebež 60 km suvhe avtotedme i Pitalovo 75 km lodeheze avtotedme.

Opočk om lidnankundan üks'jäine eländpunkt.

Eläjad da ižanduz

Vn 2010 Venäman rahvahanlugemižen mödhe eläjiden lugu oli 11 603 ristitud, rajonan ristitišton koume videndest. Kaikiš suremb ristitišt oli 16 130 eläjad vl 1989. Ortodoksižen hristanuskondan kaks' pühäpertid om lidnas: Pühän Jumalanmaman katken jumalanpert' (puine 1804) i Sündun Toižetamižen jumalanpert' (2005).

Ižandusen päsarak om sömtegimišt (söndtavaroiden tegim, leibkombinat, südäiveziden edheotand), mugažo omblendfabrik i laps'avtoištmiden pästandan edheotand ratas lidnas. Opočkan industrialiž-pedagogine kolledž om professionaližen opendusen aluzkundaks.

Galerei

• 

  Čomamahtoiden škol lapsiden täht (2014, ende Kukol'kinan erižpert')

• 

  Sündun Toižetamižen jumalanpert', vn 2011 nägu

• 

  Kodirandantedištandmuzei (2011, ende profškol)

• 

  Kul'turkeskuz vl 2014

• 

  Avtobusstancii (2014, ende počtan stancii)

Irdkosketused

• Lidnankundan lehtpoled Opočkan rajonan tobmuden saital (opochka.reg60.ru). (ven.)
• Lidnan da rajonan kul'turan sait (opochka.ru). (ven.)