Pitalovo (ven.: Пыта́лово, latv.: Pitalova) om Venäman lidn, lidnankund da raudtesol'm Pskovan agjan keskuzpalan päivlaskmas. Se om Pitalovon rajonan administrativine keskuz.

Pitalovo
Пыталово
Lidnanznam
Valdkund Venäma
Eläjiden lugu (2020) 5,354 ristitud
Pitalovo Пыталово
Pämez' Irina Afonina
(2018—)
Telefonkod +7−81 147-xx-xxx
Avtokod 60
Aigvö UTC+3 (MSK+0)

Istorii vajehta

Eländpunktan aluz om pandud vl 1863 kuti pol'stancii raudtel. Vozil 1920–1944 se rajonanke oli mülünu Lätänmaha. Vozil 1925–1937 eländpunktan latvijan nimi oli Jaunlatgale («Uz' Latgalii», ven.: Я́унлатгале), vozil 1937–1945 — Abrene (ven.: А́брене). Vl 1933 se sai lidnan statusad. Suren sodan aigan lidn oli nacistižen Germanijan okkupacijan zonas (5. heinku 1941 — 22. heinku 1944).

Pitalovo šingotase valdkundaližen büdžetan aluzkundoil (Federaline muitradnikoičend), avtopaloiden edheotandal, röunanverižil varažomil, mecpilindan edheotandoil. Pitalovon lihanümbriradai kombinat[1] pästab kolbasoid. Ende maidtegim radoi mugažo.

Geografijan andmused vajehta

Lidn sijadase Utroi-jogen randal (ven.: Утро́я, Sur'-jogen hura ližajogi), 80 m ü.m.t. keskmäižel korktusel. Matkad Pskovhasai om 102 km pohjoižhe. Lähembaižed lidnad oma Viläk (Lätänma) 20 km lodeheze orhal vai raudtedme i Ostrov (Pskovan agj) 50 km pohjoižpäivnouzmha orhal vai raudtedme.

Pitalovo om lidnankundan üks'jäine eländpunkt.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 5 826 ristitud. Kaik 5 335 ristitud elihe lidnas vl 2017, rajonan pol'. Kaikiš suremb lidnan ristitišt oli 7 300 eläjad vl 1996.

Ortodoksižen hristanuskondan puine Mikulai-čudonsädajan jumalanpert'[2] sijadase läz raudtestancijad, se pühäpert' om saudud vll 1929–1932 kut ortodoksine Latvijan tobmuden aigan.

Ostrovan äiprofil'žen kolledžan Pitalovon filial[3] om lidnan professionaližen opendusen aluzkundaks.

Edeline lidnan pämez' (lidnankundan Deputatoiden Nevondkundan ezimez') om Vera Sivaja (2013−2018). Lidnankundan Administracijan pämez' om Irina Meščeräk vn 2020 redukuspäi. Edeline lidnan Administracijan pämez' om Galina Merenkova (kül'mku 2015 — reduku 2020).

Galerei vajehta

Homaičendad vajehta

  1. Pitalovon lihanümbriradajan kombinatan sait (atoyangroup.ru). (ven.)
  2. Pitalovon pühäpertid sobory.ru-saital. (ven.)
  3. Ostrovan äiprofil'žen kolledžan Pitalovon filial pskovedu.ru-saital. (ven.)

Irdkosketused vajehta



Pskovan agjan lidnad
Dno | Gdov | Nevel' | Novoržev | Novosokol'niki | Opočk | Ostrov | Petseri | Pitalovo | Porhov | Pskov | Pustošk | Sebež | Velikije Luki