Ostrov

Ostrov (ven.: О́стров «sar'») om Venäman lidn da lidnankund, transporttesol'm Pskovan agjan keskuzpalan päivlaskmas. Se om Ostrovan rajonan administrativine keskuz.

Ostrov
Остров

Lidnanznam
Valdkund	Venäma
Eläjiden lugu (2020)	20,506 ristitud
Pind	19 km²
Pämez'	Nikolai Grigor'jev (reduku 2017—)
Telefonkod	+7−81 152-xx-xxx
Avtokod	60
Aigvö	UTC+3 (MSK+0)

Istorii

Eländpunkt mainitase ezmäižen kerdan vl 1341 röunanverižeks lidnuseks, kudamb sijazihe Sur'-jogen sarel, sen tagut lidnan nimi om. Saudihe vanhan sijas kivišt lidnust 14. voz'sadan keskespäi, kaiči Pskovad suvespäi. Vspäi 1719 kätihe Pskovan provincijan makundan lidnaks. Jäl'gmäine soda pani lidnusen seiniden jändusid mantazole.

Ostrov-lidn šingotase abrazivtegimel, lihakombinatal, turizmal, Venaman hihtandsportan vaumičendan kezakeskusel. Nügüd'aigan koume openduzsodagarnizonad oma lidnan paloikš Veret'je-punolendimportanke.

Geografijan andmused

Lidn sijadase Sur'-jogen randoil (Peipusjärven bassein), 60 m ü.m.t. keskmäižel korktusel. Matkad Pskovhasai om 43 km pohjoižhe raudtedme vai avtotedme. Lähembaižed lidnad oma Pskov i Pitalovo 50 km suvipäivlaskmha raudtedme vai orhal.

Ostrov om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe lidnan eläjiden lugu oli 21 668 ristitud, rajonan ristitišton kaks' koumandest. Kaik 20 568 eläjad oli lidnas vl 2017. Kaikiš suremb lidnan ristitišt oli 30 tuhad eläjid vl 1998.

Ortodoksižen hristanuskondan kümne pühäpertid oma avaitud lidnas: Eläban Eziauguižen Stroican päjumalanpert' (letihe vll 1786−1790), nell' jumalanpertid, kaks' časounäd, Simanskijan Pühän Kazanin Jumalanmaman naižjumalankodi (om alusenpandud vl 1907, kaks' jumalanpertid i časoun'). Enččen lüteranižen kirhan sauvuz kävutase toižin.

Ostrovan äiprofil'ne kolledž om lidnan professionaližen opendusen aluzkundaks.

Galerei

• 
  Ostrovan rajonan käskuzkundan sauvuz (2014)
• 
  Simanskijan Pühän Kazanin Jumalanmaman naižjumalankodi, vn 2018 nägu
• 
  Torguindan raudrived (2014), sodamemorialanke ezimal
• 
  Otel' Ostrov park (2016), nägu Sur'-jogespäi
• 
  Avtobusstancii vl 2014

Irdkosketused

• Lidnankundan tobmuden aluzkundoiden oficialine sait (ostrovadm.ru). (ven.)
• Lidnankundan lehtpol' Ostrovan rajonan oficialižel saital (ostrov.reg60.ru). (ven.)