Čaikovskii (lidn)

Čaikovskii
Чайковский
Lidnanznam;	Flag;
Valdkund	Venäma
Eläjiden lugu (2021)	81,855 ristitud
Pind	56,49 km²
Pämez'	Jurii Vostrikov; (2005−2009,; sügüz'ku 2018—)
Telefonkod	+7−34 241-xx-xxx
Avtokod	59, 81, 159
Aigvö	UTC+5 (MSK+2)

Čaikovskii (ven.: Чайковский, perm. komi: Чайковскӧй кар) om Venäman lidn da lidnankund Permin randan suvipäivlaskmaižes čogas. Se om randan nellänz' lidn eläjiden lugun mödhe, Čaikovskijan rajonan administrativine keskuz (vspäi 1958), mülüb rajonha.

Sil sanal voib olda toižid znamoičendoid; miše nähta niid, tulgat tänna.

Lidnan kart (2011)

IstoriiRedigeeri

Eländpunktan aluz om pandud vl 1955 radnikžiloks sauvomha Votkinskan GES:ad. Sai lidnan statusad vn 1962 18. päiväl vilukud.

Elektroenergetikan ližaks, Čaikovskii-lidn šingotase raudbetontegimel, kanghiden kombinatal, gazapparaturan tegimel, sömtegimišton edheotandoil (lihakombinat, maidtegim), mugažo meblin, metalližtegesiden i metalližkonstrukcijoiden edheotandad ratas.

Geografijan andmusedRedigeeri

Lidn sijadase Kamanjogen hural randal, 95 m ü.m.t. keskmäižel korktusel. Kaman Votkinskan vezivaradimen padosein sijadase lidnas. Matkad Permihesai om 190 km pohjoižpäivnouzmha orhal vai 270 km avtol, vob sadas Kamal-ki. Lähembaižed lidnad sijadasoiš Udmurtijan Tazovaldkundas: Sarapul suvipäivlaskmha, Iževsk päivlaskmha i Votkinsk 32 km pohjoižhe orhal vai 42 km avtotedme.

Čaikovskii om lidnankundan üks'jäine eländpunkt. Lidnan pertišton pind om 31 km².

EläjadRedigeeri

Vn 2010 Venäman rahvahanlugemižen mödhe eläjiden lugu oli 82 895 ristitud, rajonan nell' videndest. Kaikiš suremb lidnan ristitišt oli 90 200 eläjad vl 2001.

Ortodoksižen hristanuskondan nell' jumalanpertid^[1] i kaks' časounäd, baptizman pühäpert' i islaman mečet' oma olmas lidnas.

GalereiRedigeeri

Čaikovskijan lidnümbrikon administracijan sauvuz, vn 2015 fotokuva
Ph. Jurgii-vägestusenkandajan jumalanpert', vn 2020 nägu
Votkinskan GES vl 2011
«Volna»-adivpert' (2015, Laineh)
«Gidrostroitel'»-kul'turižsportkeskuz (2005, Gidrosauvoi)
Norišton kul'turkeskuz i fontan (2013)
Lapsiden čoamahtoiden škol nomer 1 (2020)
Tal'veližiden sportansuguiden «Snežinka»-keskuz (2015, Lumut)
Čaikovskijan tehnologine institut^[2] (2011)
Jogiport vl 2015

HomaičendadRedigeeri

IrdkosketusedRedigeeri

Lidnümbrikon tobmuden aluzkundoiden oficialine sait (чайковскийрайон.рф). (ven.)

Čaikovskii (lidn) Vikiaitas

	Permin randan lidnad
	Aleksandrovsk \| Berezniki \| Čaikovskii \| Čerdin' \| Černušk \| Čormoz \| Čusovoi \| Dobränk \| Gornozavodsk \| Gremäčinsk \| Gubah \| Kizel \| Krasnokamsk \| Krasnovišersk \| Kudimkar \| Kungur \| Lis'v \| Nitv \| Očor \| Ohansk \| Os \| Perm' \| Solikamsk \| Usol'je \| Vereščagino

[1] Čaikovskijan pühäpertid sobory.ru-saital. (ven.)

[2] Čaikovskijan tehnologižen institutan lehtpol' Iževskan valdkundaližen tehnižen universitetan istu.ru-saital. (ven.) (angl.)

[1]

[2]

Lidnanznam	Flag
Valdkund	Venäma
Eläjiden lugu (2021)	81,855 ristitud
Pind	56,49 km²

Pämez'	Jurii Vostrikov (2005−2009, sügüz'ku 2018—)
Telefonkod	+7−34 241-xx-xxx
Avtokod	59, 81, 159
Aigvö	UTC+5 (MSK+2)