Černušk (lidn)
Černušk (ven.: Чернушка, perm. komi: Чернушка кар) om Venäman lidn da lidnankund Permin randan suves. Se om Černuškan rajonan administrativine keskuz.
Lidnanznam
|
Flag
|
| Valdkund | Venäma |
| Eläjiden lugu (2021) | 33,308 ristitud |
| Pind | 29,11 km² |
| |
| Pämez' | Ivan Rategov (2005−2008, sügüz'ku 2013—) |
| Telefonkod | +7−34 261-xx-xxx |
| Avtokod | 59, 81, 159 |
| Aigvö | UTC+5 (MSK+2) |
IstoriiRedigeeri
Eländpunktan aluz om pandud vl 1854, nimitihe jogen mödhe. Vozil 1913−1920 saudihe ühtennimišt raudtestancijad nelläs kilometras küläspäi «Kazan' — Jekaterinburg»-jonol. Kätihe radnikžiloks vn 1945 heinkul. Radnikžilo sai lidnan statusad vl 1966. Sadas kivivoid vspäi 1958, formiruidas jüguvagonrivid raudtestancijal.
Randan kivivoin znamasine pala sase läz Černušk-lidnad (nell' ühesandest vl 1993). Kivivoin ümbriradai da savičun pästai tegimed sijadasoiš lidnas, mugažo severz'-se edheotandad oma saudud kivivoisamižtegimišton holitamha.
Geografijan andmusedRedigeeri
Lidn sijadase penen Černušk-jogen randoil (ven.: Чернушка, Kaman hurapol'ne bassein), 150 m ü.m.t. keskmäižel korktusel, kesked levedlehtesišt i kavag'mecad. Matkad Permihesai om 170 km pohjoižhe orhal vai 230 km avtotedme. Lähembaine lidn om Janaul (Baškortostan) 75 km päivlaskmha orhal, 80 km raudtedme vai 110 km avtotedme.
Azinskii-žilo (1 476 rist. vl 2016) mülüb lidnankundha Černuškan ližaks. Lidnankundan pind — 33,4 km².
EläjadRedigeeri
Vn 2010 Venäman rahvahanlugemižen mödhe lidnan eläjiden lugu oli 33 272 ristitud, lidnankundan — 34 764 ristitud, rajonan kaks' koumandest. Kaikiš suremb lidnan ristitišt oli 35..37 tuh. eläjid vll 1992−2009 (37 800 rist. vl 2001).
Ortodoksižen hristanuskondan kaks' jumalanpertid[1] ratas lidnas. Islaman kundaline («mahallä») mečet' om avaitud lidnas.
Professionaližen opendusen aluzkund om Randan politehnine kolledž[2] (päfater om Černuškas).
GalereiRedigeeri
Lidnan da lidnümbrikon administracijan sauvuz (2010)
Ph. Andronik-moknikan jumalanpert' (1999, ortodoksine hristanuskond), vn 2010 nägu
Islaman pühäpert', vn 2010 nägu
«Neftänik»-kul'turkeskuz (2010, Kivivoinik)
Černušk-päraudtestancijan sauvuz vl 2010
.jpg)
HomaičendadRedigeeri
IrdkosketusedRedigeeri
- Černuškan lidnümbrikon sait (chernadmin.ru). (ven.)
- Enččen lidnankundan tobmuden saitan vanh versii (chernushka.permarea.ru). (ven.)
| Černušk (lidn) Vikiaitas |
| Permin randan lidnad | ||
| Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino | ||