Čerdin'
Čerdin' (ven.: Чердынь, perm. komi: Чердын) om Venäman lidn da lidnankund Permin randan pohjoižes. Se om Čerdinin rajonan administrativine keskuz.
Lidnanznam![]() |
Flag![]() |
Valdkund | Venäma |
Eläjiden lugu (2021) | 4,536 ristitud |
Pind | 15 km² |
![]() | |
Pämez' | Viktor Suslov (sügüz'ku 2013—) |
Telefonkod | +7−34 240-xx-xxx |
Avtokod | 59, 81, 159 |
Aigvö | UTC+5 (MSK+2) |
IstoriiRedigeeri
Eländpunkt mainitase ezmäižen kerdan vl 1451 Vičegdan da Vimin aigkirjas. Se sai lidnan statusad vl 1535, oli randan administracijan, religijan i torguindan keskuseks pit'kan aigan. Ende virifabrik, muiltegim, meblinartel' i tegimištoline kombinat (vanutihe villakoid armijan täht) radoiba lidnas.
Čerdin' šingotase turizman keskuseks, tegimišton edheotandad ratas lähižiš žiloiš.
Geografijan andmusedRedigeeri
Lidn sijadase Kolv-jogen (Kam-jogen hurapol'ne bassein) korktal oiktal randal, 160 m ü.m.t. keskmäižel korktusel. Matkad Permihesai om 270 km suvhe orhal vai 305 km avtotedme. Lähembaine lidn om Krasnovišersk 33 km päivnouzmha orhal vai 63 km avtol. Lähembaine raudtestancii sijadase Solikamskas 102 km suvhe.
Čerdin' om lidnankundan üks'jäine eländpunkt. Lidnankundan pind — 30,9 km².
EläjadRedigeeri
Vn 2010 Venäman rahvahanlugemižen mödhe eläjiden lugu oli 4 920 ristitud, rajonan videndez. Kaikiš suremb ristitišt oli 7 524 eläjad vl 1959.
Sündun Eläbzdusen päjumalanpert', kuz' jumalanpertid[1] i nell' časounäd mülüdas ortodoksižhe hristanuskondha, no äjad eläjad oma vanhuskolaižed.
GalereiRedigeeri
HomaičendadRedigeeri
IrdkosketusedRedigeeri
- Čerdinin lidnümbrikon sait (cherdyn.ru). (ven.)
- Lidnankundan tobmuden aluzkundoiden oficialine sait (cherdyn.permarea.ru). (ven.)
Čerdin' Vikiaitas |
Permin randan lidnad | ||
Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino | ||