Čormoz

Čormoz
Чёрмоз
Lidnanznam;	Flag;
Valdkund	Venäma
Eläjiden lugu (2021)	3,215 ristitud
Pind	7,2 km²
Telefonkod	+7−34 276-xx-xxx
Avtokod	59, 81, 159
Aigvö	UTC+5 (MSK+2)

Čormoz (ven.: Чёрмоз, perm. komi: Чормӧс кар) om Venäman lidn Permin randan keskuzpalas. Mülüb Il'jinskijan lidnümbrikho (edel vn 2020 vilukud — rajonha), sen üks'jäine lidn.

Istorii vajehta

Eländpunktan aluz om pandud vl 1701 kuti raudantegim i žilo senno, nimitihe Čormozan tegim (ven.: Чёрмозский завод) jogen mödhe. Žilo sai lidnan statusad vl 1943.

Vozišpäi 1954−1956 lidnan pala om upotadud, sidä kesken metallurgine tegim, se om peittud Kaman GES:an veden al. Vhesai 1959 oli ühtennimižen rajonan administrativižeks keskuseks, likvidiruihe.

Čormoz šingotase Permin «Sinergija»-kompanijan kivivoinmašiništon tegimel^[1], sadas kivivoid ani lidnanno (vspäi 1998).

Geografijan andmused vajehta

Lidn sijadase ümbrikon pohjoižpäivnouzmas, Kaman vezivaradimen i sen Čormozan lahten oiktoil randoil, 125 m ü.m.t. keskmäižel korktusel.

Matkad lidnümbrikon Il'jinskii-keskushesai om 40 km suvipäivlaskmha orhal, vezivaradimedme vai 73 km avtotedme, Permihesai om 86 km suvhe orhal vai 165 km avtol vspäi 2007 Il'jinskii-radnikžilon kal't. Lähembaine lidn om Dobränk 38 km suvipäivnouzmha orhal, vezivaradimen hural randal, i 203 km avtotedme Permin kal't.

Tobmuz vajehta

Kilasovo-žilo (ven.: село Кыласово, 183 rist. vl 2010) i 11 küläd mülüiba enččehe lidnankundha Čormozan ližaks. Lidnankundan pind oli 313,8 km².

Lidnankundan jäl'gmäine pämez' (Administracijan pämez') oli Fidail' Biktagirov (Фидаиль Биктагиров, kül'mku 2016 — viluku 2020). Lidnan Administracijan likvidacižen laudkundan ezimez' om Vlada Staroverova (viluku — tal'vku 2020). Lidnan Dum om likvidiruidud vn 2020 vilukuspäi mugažo.

Eläjad vajehta

Vn 2010 Venäman rahvahanlugemižen mödhe lidnan eläjiden lugu oli 3 861 ristitud, lidnankundan — 4258 ristitud, rajonan videndez. Vl 2017 kaik 3 519 ristitud elihe lidnas i 3 877 ristitud kaikes lidnankundas. Kaikiš suremb lidnan ristitišt oli 11 600 eläjad vl 1959.

Ortodoksižen hristanuskondan kaks' jumalanpertid^[2] oma avaitud lidnas: Pühän Jumalanmaman Sündundpäivän päjumalanpert' (om saudud vll 1818−1829, udessündutase, nüg. jumalanpert') i Pühän Jumalanmaman Emäganpäivän puine jumalanpert' (1955). Niiden ližaks ph. Aleksandr Nevalaižen kivine časoun' oli vspäi 1885, ei ole kaičenus.

Dobränkan gumanitariž-tehnologižen tehnikuman filial om lidnan professionaližen opendusen aluzkundaks.

Galerei vajehta

Policijan palakund (2012, milicii sil aigal)
Pühän Jumalanmaman Sündundpäivän jumalanpert', vn 2012 nägu
Avtotäutandstancii vl 2012
Lapsiden čomamahtoiden škol (2012)
Kodirandantedištandmuzei vl 2012

Homaičendad vajehta

↑ Kivivoinmašiništon «Sinergija»-tegimen palakund Čormozas sinergia.ru-saital. (ven.) (angl.)
↑ Čormozan pühäpertid sobory.ru-saital. (ven.)

Irdkosketused vajehta

Čormoz Vikiaitas

	Permin randan lidnad
	Aleksandrovsk \| Berezniki \| Čaikovskii \| Čerdin' \| Černušk \| Čormoz \| Čusovoi \| Dobränk \| Gornozavodsk \| Gremäčinsk \| Gubah \| Kizel \| Krasnokamsk \| Krasnovišersk \| Kudimkar \| Kungur \| Lis'v \| Nitv \| Očor \| Ohansk \| Os \| Perm' \| Solikamsk \| Usol'je \| Vereščagino

[1] Kivivoinmašiništon «Sinergija»-tegimen palakund Čormozas sinergia.ru-saital. (ven.) (angl.)

[2] Čormozan pühäpertid sobory.ru-saital. (ven.)

[1]

[2]

Lidnanznam	Flag
Valdkund	Venäma
Eläjiden lugu (2021)	3,215 ristitud
Pind	7,2 km²

Telefonkod	+7−34 276-xx-xxx
Avtokod	59, 81, 159
Aigvö	UTC+5 (MSK+2)