Vereščagino
Vereščagino (ven.: Вереща́гино, perm. komi: Верещагина) om Venäman lidn da lidnankund Permin randan päivlaskmas. Se om Vereščaginon rajonan administrativine keskuz (vspäi 1924).
Lidnanznam
|
Flag
|
| Valdkund | Venäma |
| Eläjiden lugu (2021) | 22,239 ristitud |
| Pind | 21 km² |
| |
| Pämez' | Sergei Čeremnih (sügüz'ku 2016—) |
| Telefonkod | +7−34 254-xx-xxx |
| Avtokod | 59, 81, 159 |
| Aigvö | UTC+5 (MSK+2) |
Istorii Redigeeri
Eländpunktan aluz om pandud vl 1898 Očerskai-raudtestancijaks, sid' Voznesenskai-raudtestancii (ven.: станция Вознесенская) «Moskv — Vladivostok»-jonol. Vl 1904 Vasilii Vereščagin-pirdai-batalist seižutihe siš Venä-Japonižhe sodaha ajaden, hänen oiktastuseks udesnimitihe-ki stancijad vn 1915 30. päiväl sulakud da volostin keskusen mödhe. Vereščagino-žilo sai lidnan statusad vn 1942 19. päiväl kezakud.
Vereščagino šingotase transportan holitusen edheotandoil. Järedad edheotandad ratas: kalorifertegim, raudbetontegim, trikotažine fabrik i plastikpakuitesen tegim.
Geografijan andmused Redigeeri
Lidn sijadase 220 m ü.m.t. keskmäižel korktusel. Raudte läbitab lidnad suvespäi pohjoižhe. Matkad Permišpäi om 90 km päivlaskmha orhal vai 130 km avtotedme. Lähembaine lidn om Očor 24 km suvhe orhal vai avtotedme.
Kaik kuz' küläd, üks' žilo da koume muite eländpunktad mülüdas lidnankundha Vereščaginon ližaks.
Eläjad Redigeeri
Vn 2010 Venäman rahvahanlugemižen mödhe lidnan eläjiden lugu oli 22 156 ristitud, lidnankundan — 23 397 ristitud, rajonan koume videndest. Kaikiš suremb lidnan ristitišt oli 24..25 tuh. eläjad vll 1989−2001 (25 200 rist. vl 2001). Vl 2017 kaik 22 194 ristitud elihe lidnas i 23 432 ristitud kaikes lidnankundas.
Ortodoksižen hristanuskondan kaks' pühäpertid[1] i ph. Lazarin naižjumalankodi oma avaitud, mugažo vanhuskolaižiden ph. Mikulai-čudonsädajan jumalanpert' om saudud lidnas vll 1991−1993.
Vereščaginon äiprofil'ne tehnikum[2] om lidnan professionaližen opendusen aluzkundaks.
Galerei Redigeeri
-
Ph. Aleksandr Nevalaižen jumalanpert', vn 2012 nägu
-
Vereščagino-päraudtestancijan sauvuz vl 2012
Homaičendad Redigeeri
Irdkosketused Redigeeri
| Vereščagino Vikiaitas |
| Permin randan lidnad | ||
| Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino | ||