Krasnovišersk
Krasnovišersk (ven.: Краснови́шерск, perm. komi: Вишера кар) om Venäman lidn da lidnankund Permin randan pohjoižes. Se om Krasnovišerskan rajonan administrativine keskuz.
Lidnanznam.gif)
| |
| Valdkund | Venäma |
| Eläjiden lugu (2021) | 14,683 ristitud |
| Pind | 18,57 km² |
| |
| Pämez' | Nadežda Antipina (reduku 2017—) |
| Telefonkod | +7−34 243-xx-xxx |
| Avtokod | 59, 81, 159 |
| Aigvö | UTC+5 (MSK+2) |
IstoriiRedigeeri
Eländpunktan aluz om pandud vl 1894 kuti Vižaih-žilo (ven.: посёлок Вижаиха) da metallurgijan tegim. Vl 1930 sauvoškanzihe cellülozbumagašt kombinatad (vspäi 2006 ei ole rados) i udesnimitihe žilod nügüdläižikš, kävutihe türmatud mehiden töid. Krasnovišersk sai lidnan statusad vn 1942 2. päiväl heinkud.
Saihe diamantoid lidnanno (vl 2014 edheotand oli bankrotnenus). Krasnovišersk šingotase mecpilindan edheotandoil sijaližel torhudel, mujumetallurgijan kombinatal, sadas kivivoid lidnan ümbrištos i hil't koivuspäi amuižel mahtusel.
Geografijan andmusedRedigeeri
Lidn sijadase Višer-jogen (Kaman hura ližajogi) hural randal, 130 m ü.m.t. keskmäižel korktusel. Matkad Permihesai om 270 km suvhe orhal vai 310 km avtotedme. Lendimport om saudud lidnan päivlaskmaižel röunal, ei ole rados. Lähembaine lidn om Čerdin' 33 km päivlaskmha orhal vai 63 km avtotedme. Lähembaine raudtestancii sijadase Solikamskas 105 km suvhe.
Nell' žilod da kaks' küläd mülüdas lidnankundha Krasnovišerskan ližaks. Lidnankundan pind — 30,5 km².
EläjadRedigeeri
Vn 2010 Venäman rahvahanlugemižen mödhe lidnan eläjiden lugu oli 16 099 ristitud, lidnankundan — 16 603 ristitud, rajonan seičeme ühesandest. Kaikiš suremb lidnan ristitišt oli 19 400 eläjad vll 1996−2000. Vl 2017 kaik 15 587 ristitud elihe lidnas i 15 919 ristitud kaikes lidnankundas.
Ortodoksižen hristanuskondan phh. Pedroin i Pauloin jumalanpert'[1] (letihe vll 1890−1896) om avaitud lidnas.
Uralan tegimištoline tehnikum[2] om professionaližen opendusen aluzkundaks.
GalereiRedigeeri
Znam lidnan röunal (2009)
Adivpert', vn 2012 nägu
Mecpilindan edheotand vl 2012
«Fortuna»-lauk (2012)
Lidnümbrikon kul'turkeskuz (2012)
HomaičendadRedigeeri
IrdkosketusedRedigeeri
- Lidnan da sen lidnümbrikon tobmuden sait (красновишерск-адм.рф) i sen versii edel vn 2021 semendkud (krasnovishersk-adm.ru). (ven.)
| Krasnovišersk Vikiaitas |
| Permin randan lidnad | ||
| Aleksandrovsk | Berezniki | Čaikovskii | Čerdin' | Černušk | Čormoz | Čusovoi | Dobränk | Gornozavodsk | Gremäčinsk | Gubah | Kizel | Krasnokamsk | Krasnovišersk | Kudimkar | Kungur | Lis'v | Nitv | Očor | Ohansk | Os | Perm' | Solikamsk | Usol'je | Vereščagino | ||