Suvorov (lidn)

Suvorov
Суворов
Lidnanznam;	Flag;
Valdkund	Venäma
Eläjiden lugu (2021)	17,598 ristitud
Pind	25,64 km²
Pämez'	Jevgenija Medvedeva; (uhoku 2019—)
Telefonkod	+7−48 763-xx-xxx
Avtokod	71
Aigvö	UTC+3 (MSK+0)

Suvorov (ven.: Суво́ров) om Venäman lidn da lidnankund Tulan agjan päivlaskmas. Se om Suvorovan rajonan administrativine keskuz i kaikiš suremb lidn.

Istorii vajehta

Suvorovo-külä oli pandud Aleksandr Suvorov-sodavejan (1730−1800) armijan demobilizuidud saldatoil. Nügüdläižen eländpunktan aluz om pandud vl 1949 kuti Čerepetin GRES:an sauvojiden Suvorovskii-žilo. Kätihe radnikžiloks vl 1951. Anttihe radnikžilole lidnan statusad Suvorov-nimenke vn 1954 12. päiväl elokud. Lidn om rajonan keskuseks vn 1958 keväz'kuspäi.

Elektrostancii radab sijaližel bural hilel i Kuzbassan kivihilel, sen seičeme blokad oma pästtud radho vll 1953−1966. GRES:an 8. i 9. energoblokad oma töhöpästtud vll 2014−2015.

Suvorov šingotase elektrusen i lämuden tehmižel (Čerepetin GRES^[1]), raudbetontegesiden da konstrukcijoiden pästandal, sömtegimištol (konditerine fabrik).

Geografijan andmused vajehta

Lidn sijadase rajonan päivnouzmaiženno röunanno, Čerepet'-jogen (ven.: Черепеть 49 km pitte, Okan oiged ližajogi) vezivaradimen (ühesa nellikkilometrad, om saudud GRES:anke) hural randal, 190 m ü.m.t. keskmäižel korktusel.

Matkad Kalugan agjhasai om 12 km lodeheze orhal vai avtotel. Matkad Tulhasai om 73 km päivnouzmha orhal, 91 km avtotel vai 85 km raudtel. Lähembaine lidn om Čekalin 17 km päivlaskmha orhal vai 20 km avtotedme. «Tul — Smolensk»-raudtekeskust läbitab lidnad, Zbrodovo-raudtestancii (pohjoižpäivnouzmas) i 88nz' kilometr-platform (lodehes) ratas lidnas.

Tobmuz vajehta

Suvorov om lidnankundan üks'jäižeks eländpunktaks. Lidnankundan pind — 25,64 km².

Lidnankundan tobmuden pämez' om sen Deputatoiden suiman ezimez'. Edeline lidnan pämez' om Lüdmila Himuškina, radoi vn 2019 uhokuhusai. Lidnan Administracii om likvidiruidud vn 2023 sulakus, Irina Čekmareva radoi sen jäl'gmäižen pämehen vn 2012 sulakuspäi.

Eläjad vajehta

Vl 1959 lidnan ristitišt oli 14 143 eläjad. Vn 2010 Venäman rahvahanlugemižen mödhe lidnan eläjiden lugu oli 18 973 ristitud, rajonan pol'. Kaik 17 506 eläjad oli lidnas vl 2017. Kaikiš suremb lidnan ristitišt oli 20..21 tuhad eläjid vll 1989−2007 (21 900 rist. vl 1992).

Rahvahad (2010): venälaižed — 97,7 %, toižed rahvahad — 2,3 %.

Ortodoksižen hristanuskondan nell' jumalanpertid^[2] oma kaičenus i saudud lidnas: Pühän Jumalanmaman Katken vanh (om saudud vll 1782−1806 i 1845, om avaitud radnikoičendoiden täht vl 2023) i uz' (letihe vll 2015−2017), Jumalanmaman «Rigomanahin'»-jumalaižen (1997), Jumalanmaman Vladimiran jumalaižen (2014−2016).

Tulan tehniž-ekonomižen kolledž, sen Suvorovan filial om lidnan professionaližen opendusen aluzkundaks.

Galerei vajehta

Lidnan ZAGS (2015)
Toižen mail'man sodan velleskaum i memorial (2017)
Čerepetin GRES vl 2015
Kul'turkeskuz i Leninan muštnik (2017)
Lapsiden poliklinik Suvorovan rajonan keskuzläžundkodiš vl 2019

Homaičendad vajehta

↑ Čerepetin GRES irao-generation.ru-saital. (ven.) (angl.)
↑ Suvorovan pühäpertid sobory.ru-saital. (ven.)

Irdkosketused vajehta

Lidnankundan tobmuden aluzkundoiden sait (mosuvorov.tulobl.ru). (ven.)

Suvorov (lidn) Vikiaitas

	Tulan agjan lidnad
	Aleksin \| Belöv \| Bogorodick \| Bolohovo \| Čekalin \| Donskoi \| Jasnogorsk \| Jefremov \| Kimovsk \| Kirejevsk \| Lipki \| Novomoskovsk \| Plavsk \| Sovetsk \| Suvorov \| Ščokino \| Tul \| Uzlovai \| Venöv

[1] Čerepetin GRES irao-generation.ru-saital. (ven.) (angl.)

[2] Suvorovan pühäpertid sobory.ru-saital. (ven.)

[1]

[2]

Lidnanznam	Flag
Valdkund	Venäma
Eläjiden lugu (2021)	17,598 ristitud
Pind	25,64 km²

Pämez'	Jevgenija Medvedeva (uhoku 2019—)
Telefonkod	+7−48 763-xx-xxx
Avtokod	71
Aigvö	UTC+3 (MSK+0)