Ščokino

Ščokino
Щёкино
Lidnanznam;	Flag;
Valdkund	Venäma
Eläjiden lugu (2021)	55,109 ristitud
Pind	14,54 km²
Pämez'	Jurii Savuškin; (viluku 2009—)
Telefonkod	+7−48 751-xx-xxx
Avtokod	71
Aigvö	UTC+3 (MSK+0)

Ščokino (ven.: Щёкино) om Venäman lidn da lidnankund Tulan agjan keskuzpalas. Se om agjan nellänz'-videnz' lidn eläjiden lugun mödhe, Ščokinon rajonan administrativine keskuz (vspäi 1932), mülüb rajonha vspäi 2006, rajonan kaikiš suremb lidn.

Istorii

Eländpunktan aluz om pandud vl 1870 kuti Uz' Kolpn-žilo (ven.: Новая Колпна) Jasenki-raudtestancijanno (om saudud vl 1869). Vspäi 1903 stancijan nimi om Ščokino, udesnimitihe külän mödhe läz kaivuzid kahesas kilometras. Vl 1904 mülütihe Jasenki-žilod raudtestancijanno Uz' Kolpn-žilho. Kätihe Ščokino-radnikžiloks vn 1934 1. päiväl heinkud, mülütihe sen ühtes lähižid žiloid. Radnikžilo sai lidnan statusad vn 1938 27. päiväl kül'mkud. Toižen mail'man sodan aigan lujad torad mäniba lidnan ümbrištos vn 1941 lopus. Lidn oli alištunu agjan tobmudele oikti vll 1950−2006.

Ščokino šingotase himižel tegimištol (azotheretused, kivivoinhimine produkcii, kapronkuidud) i špalanimetamižtegimel.

Geografijan andmused

Lidn sijadase rajonan pohjoižpäivnouzmas, 240 m ü.m.t. keskmäižel korktusel.

Matkad Tulan keskuzpalhasai om 22 km pohjoižhe orhal, 23 km avtotel vai raudtel; röunhasai — kümne kilometrad. Toine lähembaine lidn om Sovetsk üks'toštkümne kilometrad suvipäivnouzmha orhal vai 18 km avtotedme. Ščokino-raudtestancii radab lidnan keskuzpalan lodehes «Tul — Orel»-keskustal, mugažo om raudted Uzlovai-lidnhasai. M2-avtotrass om lidnan päivlaskmaižeks röunaks.

Tobmuz

Ščokino om lidnankundan üks'jäižeks eländpunktaks. Lidnankundan pind — 14,54 km².

Eläjad

Vl 1939 lidnan ristitišt oli 11 334 eläjad, vl 1959 — 45 556 eläjad. Vn 2010 Venäman rahvahanlugemižen mödhe lidnan eläjiden lugu oli 58 139 ristitud, vn 2021 — 55 109 ristitud. Kaik 58 088 eläjad oli lidnas vl 2017. Kaikiš suremb lidnan ristitišt oli 70 tuhad eläjid vll 1976−1987 (70 318 rist. vl 1979).

Rahvahad (2010): venälaižed — 96,1 %, toižed rahvahad — 3,9 %.

Ortodoksižen hristanuskondan kaks' jumalanpertid^[1] om avaitud lidnas, ned oma Jumalanmaman «Kaikiden gorähižiden ihastuz»-jumalaižen pühäpert' (om saudud vll 1994−1999) i ph. Matrona Moskvalaižen jumalanpert' (letihe vll 2016−2020).

Lapsiden opendusen aluzkundad oma nell'toštkümne päivkodid, lapsen šingotesen keskuz, ühesa keskškolad, kaks' liceid, gimnazii, čomamahtoiden škol, lapsiden da norišton sportškol. Professionaližen opendusen aluzkundad oma Ščokinon politehnine kolledž^[2] i Tulan ekonomine kolledž^[3] (baziruiše Ščokinos kacmata nimitushe).

Galerei

Lidnan uit (2008)
Himižen kuidun tegimen kontor vl 2009
Leninan torg (2023)
Ščokino-raudtestancijan sauvuz vl 2018

Homaičendad

↑ Ščokinon pühäpertid sobory.ru-saital. (ven.)
↑ Ščokinon politehnižen kolledžan sait (schpk.ru). (ven.)
↑ Tulan ekonomižen kolledžan sait (tulatek.ru). (ven.) (+ äikel'ne känduz)

Irdkosketused

Lidnan da rajonan tobmuden aluzkundoiden sait (schekino.ru). (ven.)

Ščokino Vikiaitas

	Tulan agjan lidnad
	Aleksin \| Belöv \| Bogorodick \| Bolohovo \| Čekalin \| Donskoi \| Jasnogorsk \| Jefremov \| Kimovsk \| Kirejevsk \| Lipki \| Novomoskovsk \| Plavsk \| Sovetsk \| Suvorov \| Ščokino \| Tul \| Uzlovai \| Venöv

[1] Ščokinon pühäpertid sobory.ru-saital. (ven.)

[2] Ščokinon politehnižen kolledžan sait (schpk.ru). (ven.)

[3] Tulan ekonomižen kolledžan sait (tulatek.ru). (ven.) (+ äikel'ne känduz)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	55,109 ristitud
Pind	14,54 km²

Pämez'	Jurii Savuškin (viluku 2009—)
Telefonkod	+7−48 751-xx-xxx
Avtokod	71
Aigvö	UTC+3 (MSK+0)