Avaita pämenü


Poronaisk (ven.: Поронайск, japon.: ポロナイスク Poronaisku, edel 1946 vot — japon.: 敷香 Sikuka augotižlibundanke ainan kelespäi) om Venäman lidn da meriport Sahalinan agjan Sahalin-saren päivnouzmas. Se om Poronaiskan lidnümbrikon administrativine keskuz (edel 2006 vot — rajonan).

Poronaisk
Поронайск
Lidnanznam
Coat of Arms of Poronaysk (Sakhalin oblast).png
Valdkund Venäma
Eläjiden lugu (2018) 15 311 ristitud
Pind 55 km²
Poronaisk Поронайск
Pämez' Aleksandr Radomskii
(tal'vku 2 017—)
Telefonkod +7-42 431-xx-xxx
Avtokod 65
Aigvö UTC+11 (MSK+8)

IstoriiRedaktiruida

Eländpunktan aluz om pandud kuti Venäman imperijan Tihmenevskii-kaičendsodapost igähižiden rahvahiden külidenno vn 1869 elokus. Šingotihe pästnuzil mehil katargaspäi, tehtihe jarmankoid. Vozil 1905−1945 oli Japonijan palaks. Cellülozbumagaine tegim, cement i omblendfabrik radoiba 1990-nzihe vozihesai.

Lidn šingotase poltuzenergetižel sarakol (sadas hil't, järed Sahalinan GRES) i sömtegimišton edheotandoil (maidtegim, leibkombinat, kalan ümbriradmine), mugažo torguindmeriportal.

Geografijan andmusedRedaktiruida

Lidn sijadase Poronai-jogensun oiktal randal tobjimalaz i Tünen valdmeren Ohotskan meren suvipäivlaskmaižel randal (Tirpandan laht, ven.: залив Терпения), 3 m ü.m.t. keskmäižel korktusel. Matkad Suvisahalinskhasai om 250 km suvhe orhal, 290 km avtotedme vai raudtedme. Lähembaižed lidnad oma Makarov 70 km suvhe orhal, 77 km avtotedme vai raudtel i Uglegorsk 77 km suvipäivlaskmha orhal vai 220 km avtotedme.

EläjadRedaktiruida

Vn 2010 Venäman rahvahanlugemižen mödhe lidnan eläjiden lugu oli 16 120 ristitud, lidnümbrikon koume nelländest. Kaikiš suremb lidnan ristitišt oli 19 463 eläjad vl 1935 i 26 100 eläjad vl 1992. Ortodoksižen hristanuskondan ph. Tihonan Moskvalaižen jumalanpert' om pühästadud vl 2012.

IrdkosketusedRedaktiruida