Aniv (lidn)

Aniv (ven.: Ани́ва, japon.: アニワ Aniva, edel 1946. vot — Rutak, japon.: 留多加 Rutaka) om Venäman lidn Sahalinan agjan Sahalin-saren suves. Se om Anivan lidnümbrikon (edel 2005. vot — rajonan) administrativižeks keskuseks da palaks.

Aniv
Анива

Lidnanznam	Flag
Valdkund	Venäma
Eläjiden lugu (2023)	9,626 ristitud
Pind	8 km²
Pämez'	Svetlana Švec (tal'vku 2021—)
Telefonkod	+7−42 441-xx-xxx
Avtokod	65
Aigvö	UTC+11 (MSK+8)

Istorii

Eländpunktan aluz om pandud Venäman imperijha vl 1886 kuti Lütogankülä (ven.: деревня Лютога), nimitihe jogen mödhe. Vll 1905−1945 udesnimitadud Rutak:aks žilo (japon.: 留多加) oli Japonijan palaks sodan rezul'tataks. Suren sodan aigan Rusked Armii anasti lidnad vl 1945. Om lidnan statusanke i nügüdläiženke nimenke vspäi 1946, nimitihe lahten mödhe.

Aniv šingotase sömtegimištol (kalanpüdand, kalankazvatuz i kalan ümbriradmine, mineralveden edheotand), mechozal i punümbriradajal tegimel, londuseližen gazan samižel.

Geografijan andmused

Lidn sijadase Lütog-jogen molembil randoil (ven.: Лю́тога) läz sen jogensud, i Tünen valdmeren Anivan lahten randal, lahten kaidan sijan — Lohiden pohtanno (ven.: бухта Лососей), koume metrad ü.m.t. keskmäižel korktusel.

Matkad Suvisahalinskan keskuzpalahasai om 31 km pohjoižpäivnouzmha orhal vai 37 km avtotedme. Raudte sihesai om likvidiruidud vl 1995, Aniv-raudtestancii radoi vll 1926−1993. Toine lähembaine lidn om Korsakov kaks'kümnes kilometras suvipäivnouzmha orhal lahtedme vai 71 km avtotedme.

Tobmuz

Lidnümbrikon pämez' om sen Administracijan pämez' (mer). Edeline lidnümbrikon pämez' om Artöm Lazarev (tal'vku 2017 — tal'vku 2021).

Eläjad

Vn 2010 Venäman rahvahanlugemižen mödhe lidnan eläjiden lugu oli 9 115 ristitud, lidnümbrikon pol'. Kaik 9 430 eläjad oli lidnas vl 2017. Kaikiš suremb lidnan ristitišt oli 9 638 eläjad vl 2021.

Ortodoksižen hristanuskondan ph. Serafim Sarovalaižen puine jumalanpert' om saudud vll 2006−2011. Baptizman «Blagodat'»-loičendpert' om avaitud lidnas.

Lapsiden opendusen aluzkundad oma viž nimitadud i nomeruidud päivkodid (nomer 1, 3, 7, 8, 9), kaks' keskškolad (nomer 1 i 2), lapsiden sädamižen pert', čomamahtoiden škol, sportškol. Professionaližen opendusen aluzkundad ratas lähembaižiš lidnoiš.

Galerei

• 
  Lütog-jogi lidnan sildaspäi (2011)
• 
  «Blagodat'»-loičendpert', vn 2011 nägu
• 
  Enččen raudten pudotez lidnas vl 2012
• 
  Anivan majak vl 2017

Irdkosketused

• Lidnan da lidnümbrikon tobmuden aluzkundoiden oficialine sait (aniva.sakhalin.gov.ru). (ven.)
• Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)