Aleksandrovsk Sahalinal

Aleksandrovsk Sahalinal (ven.: Алекса́ндровск-Сахали́нский) om Venäman lidn Sahalinan agjan Sahalin-saren keskuzpalan päivlaskmas. Se om «Aleksandrovskan Sahalinal rajon»-lidnümbrikon administrativine keskuz (vspäi 2005).

Aleksandrovsk Sahalinal
Александровск-Сахалинский

Lidnanznam	Flag
Valdkund	Venäma
Eläjiden lugu (2023)	8,769 ristitud
Pind	22 km²
Pämez'	Vladlen Antonük (eloku 2021—)
Telefonkod	+7−42 434-xx-xxx
Avtokod	65
Aigvö	UTC+11 (MSK+8)

Istorii

Eländpunktan aluz om pandud Venäman imperijha kaičendsodapostaks, tetas Aleksandrovskii-postaks vspäi 1862. Nimitihe Aleksandr II-imperatoran mödhe, šingotihe mecan varhapanendal i kivihilen samižel, kävutihe katargan türmatud mehiden töid. Anttihe lidnan statusad vl 1917. Vozil 1920−1925 lidn oli okkupiruidud Japonijal. Vl 1926 udesnimitihe nügüdläižikš i kätihe Sahalinan ümbrikon keskuseks Edahaižen Päivnouzmpolen randas. Vll 1932−1947 oli Sahalinan agjan administrativižen keskusen.

Aleksandrovsk Sahalinal šingotase kivihilen samižel i sömtegimištol (leibänkombinat, kalanpüdand), mugažo meriport radab.

Geografijan andmused

Lidnümbrikon sijaduz agjas (2010)

Lidn sijadase Tünen valdmeren Tataran sal'men pohjoižpäivnouzmaižel randal, 31 m ü.m.t. keskmäižel korktusel. Matkad Suvisahalinskhasai om 440 km suvhe orhal vai 550 km avtotel. Lähembaižed lidnad om Poronaisk i Uglegorsk 200 km suvhe orhal. Avtote ühtenzoitab lidnad lähembaiženke Timovskoje-raudtestancijanke (ven.: Тымовское), se om 60 km päivnouzmha.

Klimat om ven. Lidnan tahondan londuseližed arvoimižed om Edahaižen Pohjoižen arvoimižihe tazostadud. Voden keskmäine lämuz om +1,2 C°, heinkun-elokun +15,5..+16,7 C°, tal'vkun-uhokun −12,0..−15,4 C°. Ekstremumad oma −41,0 C° (viluku) i +32,0 C° (heinku). Kezaaigan minimum om −2,4 C° (kezaku), tal'vaigan maksimum om +5,7 C° (tal'vku). Ei voi panda halad heinkus-elokus. Paneb sadegid 706 mm vodes, enamba elokus-redukus (88..96 mm kus), vähemba uhokus-sulakus (31..35 mm kus). Meriveden lämuz om −1,5..+0,5 C° kül'mkus-sulakus, +13,8..+16,7 C° heinkus-sügüz'kus.

Tobmuz

Kaik 13 žilod mülüdas lidnümbrikho Aleksandrovskan Sahalinal ližaks. Lidnümbrikon pind — 4 777,4 km².

Lidnümbrikon tobmuden pämez' om sen Administracijan pämez' (mer). Edeline lidnümbrikon pämez' om Vladimir Il' (Владимир Иль, uhoku 2018 — eloku 2021). Lidnümbrikon Suiman ezimez' om Vladimir Dobrodomov vn 2023 redukuspäi. Edeline lidnümbrikon Suiman ezimez' om Oleg Salangin (kül'mku 2018 — reduku 2023).

Eläjad

Vn 2010 Venäman rahvahanlugemižen mödhe lidnan eläjiden lugu oli 10 613 ristitud, lidnümbrikon — 13 404 ristitud. Vn 2021 rahvahanlugemižen mödhe lidnan ristitišt oli 8 854 eläjad. Kaik 9 504 ristitud elihe lidnas i 11 143 ristitud kaikes lidnümbrikos vl 2018. Kaikiš suremb lidnan ristitišt oli 24 905 eläjad vl 1939 i 19 400 eläjad vl 1992.

Ortodoksižen hristanuskondan Pühän Jumalanmaman Katken jumalanpert' om udessaudud vll 1993−2012.

Sahalinan bazižen medicinižen kolledžan filial i Sahalinan valdkundaližen universitetan filial oma lidnan professionaližen opendusen aluzkundoikš.

Galerei

• 
  Rajonan-lidnümbrikon administracijan sauvuz (2016)
• 
  Pühän Jumalanmaman Katken jumalanpert', vn 2011 nägu
• 
  Sahalinan bazižen medicinižen kolledžan filial (2005)
• 
  Monument Anton Čehovan muštoks (2005)
• 
  Anton Čehovan muzei (2018)
• 
  Lidnan kirjišt vl 2022

Irdkosketused

• Lidnan da lidnümbrikon tobmuden aluzkundoiden oficialine sait (aleks-sakh.ru). (ven.)
• Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)