Dolinsk
Dolinsk (ven.: До́линск, japon.: ドリンスク Dorinsku, edel 1946. vot — japon.: 落合 Otiai) om Venäman lidn Sahalinan agjan Sahalin-saren suves. Se om Dolinskan lidnümbrikon administrativine keskuz (edel 2006. vot — rajonan).
Lidnanznam
|
Flag
|
| Valdkund | Venäma |
| Eläjiden lugu (2023) | 11,731 ristitud |
| Pind | 11 km² |
| |
| Pämez' | Aleksandr Tugarev (sügüz'ku 2016—) |
| Telefonkod | +7−42 442-xx-xxx |
| Avtokod | 65 |
| Aigvö | UTC+11 (MSK+8) |
Istorii vajehta
Eländpunktan aluz om pandud Venäman imperijha Galkino-Vrasskoje-žiloks elänzoitmaha tahondad ainalaižiden külidenno vl 1884 Naibuči-kaičendsodapostan sijas (tetihe vspäi 1867). Vozil 1905−1945 oli Japonijan palaks, šingotihe cellülozbumagaižel fabrikal. Vl 1911 raudte ühtenzoiti žilod Tojoharanke. Sai lidnan statusad vl 1946, sirtihe sihe kükstud mehid tobjimalaz. NSTÜ:n aigan tehtihe äi erazvuittušt bumagad tegimel, oludtegim i maidtegim radoiba.
Dolinsk šingotase mehanižel tegimel, leibänkombinatal i mecan ümbriradmižel (pilindmaterialad).
Geografijan andmused vajehta
Lidn sijadase Naib-jogen (ven.: Найба, ainan kelel: Naibuči) i sen oiktan Sur' Takoi-ližajogen (ven.: Большой Такой) ühthejoksmusen oiktal randal, 20 m ü.m.t. keskmäižel korktusel, mugažo pen' Dolink-jogi (ven.: Долинка) om lidnan suves. Matkad Tünen valdmeren Ohotskan meren randhasai om seičeme kilometrad pohjoižhe avtotedme (Starodubskoje-žilo). Matkad Suvisahalinskan keskushesai om 41 km suvhe orhal, 44 km avtotedme vai raudtedme, se om lähembaine lidn.
Eläjad vajehta
Vn 2010 Venäman rahvahanlugemižen mödhe lidnan eläjiden lugu oli 12 200 ristitud, lidnümbrikon pol'. Kaik 11 708 eläjad oli lidnas vl 2017. Kaikiš suremb lidnan ristitišt oli 15 000 eläjad vl 1967 i 15 900 eläjad vl 1992.
Ortodoksižen hristanuskondan Jumalanmaman Emäganpäivän puine jumalanpert'[1] om saudud vl 2010.
Sahalinan sauvondan i eländkodikommunaližen ižandusen tehnikum, sen Dolinskan filial[2] om lidnan professionaližen opendusen aluzkundaks.
Galerei vajehta
-
Vladimir Leninan muštpacaz lidnan torgul (2007) -
Dolinsk-päraudtestancijan sauvuz vl 2016
Homaičendad vajehta
Irdkosketused vajehta
- Lidnan da lidnümbrikon tobmuden aluzkundoiden oficialine sait (dolinsk.admsakhalin.ru). (ven.)
- Lidn da lidnümbrik Sahalinan agjan ohjastusen oficialižel sakhalin.gov.ru-saital. (ven.)
| Dolinsk Vikiaitas |
| Sahalinan agjan lidnad | ||
| Aleksandrovsk Sahalinal | Aniv | Dolinsk | Holmsk | Korsakov | Kuril'sk | Makarov | Nevel'sk | Oh | Poronaisk | Severokuril'sk | Suvisahalinsk | Tomari | Uglegorsk | ||