Zelenodol'sk (tot.: Яшел Үзән / Yäşel Üzän, ven.: Зеленодольск) om Venäman lidn Tatarstanan Tazovaldkundan lodehes. Se om Zelenodol'skan rajonan administrativine keskuz vspäi 1958, tazovaldkundan videnz' surtte lidn eläjiden lugun mödhe, mülüb Kazanin aglomeracijha (1,6 mln rist.).

Zelenodol'sk
Зеленодольск (ven.)
Яшел Үзән / Yäşel Üzän (tot.)
 Lidnanznam
Coat of Arms of Zelenodolsk (Tatarstan).png
 Flag
Flag of Zelenodolsk (Tatarstan).gif
Valdkund Venäma
Eläjiden lugu (2017) 99 235 ristitud
Pind 37,73 km²
Zelenodol'sk Зеленодольск (ven.) Яшел Үзән / Yäşel Üzän (tot.)
Pämez' Aleksandr Tigin
(sügüz'ku 2 013—)
Telefonkod +7-84 371-xx-xxx
Avtokod 16, 116, 716
Aigvö UTC+3 (MSK+0)

IstoriiRedaktiruida

Nügüd'aigaižen eländpunktan aluz om pandud vl 1802 kuti Gari-külä i vl 1865 Kabačišči-žilo. Vl 1892 niid ühtištuihe Vihand Alangišt-külähä (ven.: Зелёный Дол). Vl 1913 sidä ühtištuihe Paratskii Zaton-žilonke. Vspäi 1928 Vihand Alangišt tegihe radnikžiloks, vl 1932 — sai lidnan statusad nügüdläiženke nimenke.

Geografijan andmusedRedaktiruida

Lidn sijadase pidust' Volg-jogen hurad randad (Kuibiševan vezivaradim), Svijag-jogensud vaste (tot.: Зөя). Matkad Kazanihesai om 38 km päivnouzmha orhal, raudtel vai Volg-jogedme. Lähembaine lidn om Volžsk (Marii El) päivlaskmha, kaks'kilometrine keskust om lidnoiden keskes.

Zelenodol'sk om lidnankundan üks'jäine eländpunkt.

EläjadRedaktiruida

Vn 2010 kaiken Venäman rahvahanlugemižen mödhe eläjiden lugu oli 97 674 ristitud. Kaikiš suremb ristitišt oli vozil 1995, 1996 i 1998 — 102 tuhad eläjid. Religijan aluzkundad lidnas: islaman medrese da koume pühäpertid, ortodoksižen hristanuskondan koume da toižen hristanuskondan koume pühäpertid.

Rahvahad (enamba 0,9% vl 2010, ozutadud rahvahudenke): venälaižed — 61,6%, totarlaižed — 35,4%, čuvašalaižed — 0,9%, toižed rahvahad — 2,1%.

Ižanduz da transportRedaktiruida

Ižandusen päsarakod oma laivansauvomine, sauvondmaterialiden pästand (kaks' fanertegint), sömtegimišt. Mehanikan da laivansauvomižen kolledžad oma lidnas.

Vihand Alangišt-stancii (ven.: Зелёный Дол, tot.: Яшел Үзән) om järed raudtesol'm, siš raudted ühthejokstas Kazanišpäi, Moskvaspäi, Joškar-Olaspäi da Ul'janovskaspäi.

IrdkosketusedRedaktiruida



Tatarstanan Tazovaldkundan lidnad
Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši