Leninogorsk

Leninogorsk
Лениногорск (ven.)
Лениногорск / Leninogorsk (tot.)
Lidnanznam;	Flag;
Valdkund	Venäma
Eläjiden lugu (2021)	60,993 ristitud
Pind	24,65 km²
Pämez'	Rägat Husainov; (keväz'ku 2009—)
Telefonkod	+7−85 595-xx-xxx
Avtokod	16, 116, 716
Aigvö	UTC+3 (MSK+0)

Leninogorsk (ven.: Лениного́рск, tot.: Лениногорск / Leninogorsk) om Venäman lidn da lidnankund Tatarstanan Tazovaldkundan suvipäivnouzmas. Se om Leninogorskan rajonan administrativine keskuz vspäi 1955, mülüb rajonha vodespäi 2011.

Istorii

Nügüd'aigaižen eländpunktan aluz om pandud vl 1795 kuti Uz' Pis'mänk-külä (ven.: деревня Новая Письмянка). Se oli žiloks, sid' radnikžiloks. Uz' Pis'mänk-radnikžilo sai lidnan statusad udenke nügüdläiženke nimenke vn 1955 18. päiväl elokud.

Leninogorskan ižandusen päsarakod oma kivivoin samine, kivivoimašiništon pästand, sauvondmaterialiden tehmine (kaks' raudbetontegesiden tegint), mugažo avtodetaliden tegim om saudud.

Geografijan andmused

Lidn sijadase Kamišl-jogen randoil (ven.: Камышла 7,5 km pitte, Zai-jogen ližajogi, tot.: Зәй / Zәy, Kamanjogen bassein), 165..334 m korktusil, 251 metrad ülemb meren tazopindad keskmäižel korktusel.

Matkad Kazanihesai om 308 km lodeheze orhal. Lähembaine lidn om Bugul'm 15 km suvipäivnouzmha avtotedme.

Tobmuz

Leninogorsk om lidnankundan üks'jäižeks eländpunktaks.

Valitas lidnan Nevondkundan 20 deputatad videks vodeks. Lidnankundan tobmuden pämez' om sen Nevondkundan ezimez'. Radonoigendajan komitetan ohjandai om Rival' Sitdikov (Риваль Сытдиков) vn 2019 tal'vkuspäi. Edeližed komitetan ohjandajad oma Rinat Jalakov (kezaku 2018 — heinku 2019), Aleksandr Tabakov (sulaku 2016 — kezaku 2018).

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 64 127 ristitud, rajonan koume nelländest, vn 2021 — 60 993 ristitud. Kaik 63 049 eläjad oli lidnas vl 2017. Kaikiš suremb lidnan ristitišt oli 68 200 eläjad vl 2001.

Rahvahad (enamba 1 % vl 2010, ozutadud rahvahudenke): venälaižed — 44,6 %, totarlaižed — 43,6 %, mordvinalaižed — 4,8 %, čuvašalaižed — 4,6 %, toižed rahvahad — 2,4 %.

Islaman Ihlas-pühäpert' kahtenke loičendzalanke om avaitud vspäi 2006. Ortodoksižen hristanuskondan koume pühäpertid^[1] oma saudud lidnas: Eläban Eziauguižen Stroican jumalanpert' (om letud vll 1989−1996, pühäpäivän školanke i kirjištonke) i kaks' časounäd lidnan kaumžomil. Niiden ližaks ph. Mikulai-čudonsädajan jumalanpert' om sauvomas vspäi 2013, Jumalanmaman Katken jumalanpert' ei ole väges, kaks' jumalanpertid ei ole kaičenus.

Lapsiden opendusen aluzkundad oma 31 päivkodid, päivkodi-augškol, 13 keskškolad, korrekcine VIII toižendan škol, lapsiden sädamižen pert', čomamahtoine škol, muzikškol, kuz' sportškolad. Kaik koume specialižen profopendusen sijališt aluzkundad om lidnas: kivivoin tehnikum^[2], muzikaliž-čomamahtoline pedagogine kolledž^[3], politehnine kolledž^[4].

Galerei

Venäman Prokuraturan sauvuz (2012)
Jubileinii-puišt, vn 2011 nägu
Kivivoin tehnikum vl 2009
«Leninogorskii»-sportkompleks (2009)
Muštnik kivivoin löudajile Tatarstanas Leninan prospektal vl 2011

Homaičendad

Irdkosketused

Lidnan da Leninogorskan rajonan oficialine sait (leninogorsk.tatarstan.ru) Tatarstanan Tazovaldkundan tobmuden portalal. (ven.) (tot.)

Leninogorsk Vikiaitas

	Tatarstanan Tazovaldkundan lidnad
	Agriz \| Al'met'jevsk \| Arsk \| Aznakajevo \| Bavli \| Bolgar \| Bugul'm \| Buinsk \| Čistopol' \| Innopolis \| Jarčalli \| Jelabug \| Kazan' \| Kukmor \| Laiševo \| Leninogorsk \| Mamadiš \| Mendelejevsk \| Menzelinsk \| Nižnekamsk \| Nurlat \| Zainsk \| Zelenodol'sk \| Tetüši

[1] Leninogorskan pühäpertid sobory.ru-saital. (ven.)

[2] Leninogorskan kivivoin tehnikuman sait (lntrt.ru). (ven.)

[3] Leninogorskan muzikaliž-čomamahtoližen pedagogižen kolledžan sait (lmhpk.ru). (ven.)

[4] Leninogorskan politehnižen kolledžan sait (leninogorsklpk.ru). (ven.)

[1]

[2]

[3]

[4]

Lidnanznam	Flag
Valdkund	Venäma
Eläjiden lugu (2021)	60,993 ristitud
Pind	24,65 km²

Pämez'	Rägat Husainov (keväz'ku 2009—)
Telefonkod	+7−85 595-xx-xxx
Avtokod	16, 116, 716
Aigvö	UTC+3 (MSK+0)