Čistopol' (tot.: Чистай / Çistay, ven.: Чи́стополь) om Venäman lidn Tatarstanan Tazovaldkundan keskuses. Om Čistopolin rajonan administrativine keskuz, vspäi 2011 mülüb rajonha lidnankundaks.

Čistopol'
Чистополь (ven.)
Чистай / Çistay (tot.)
 Lidnanznam
Chistopol COA (Kazan Governorate) (1781).png
 Flag
RUS Чистополь flag.gif
Valdkund Venäma
Eläjiden lugu (2022) 58,228 ristitud
Pind 19,24 km²
Čistopol' Чистополь (ven.) Чистай / Çistay (tot.)
Pämez' Dmitrii Ivanov
(reduku 2014—)
Telefonkod +7−84 342-xx-xxx
Avtokod 16, 116, 716
Aigvö UTC+3 (MSK+0)

IstoriiRedigeeri

Eländpunktan aluz om pandud 17-18. voz'sadal kuti Čistoje Pole-külä. Se sai makundan lidnan statusad vl 1781 udenke nügüdläiženke nimenke.

Čistopolin ižandusen päsarakod oma sömtegimišt (maidkombinat) da omblendtegimišt, mugažo časuidentegim i laivoiden kohendusen tegim, avtomašiništon edheotandad oma olmas.

Geografijan andmusedRedigeeri

Lidn sijadase Kamanjogen hural randal (Kuibiševan vezivaradim), 100 m keskmäižel korktusel valdmeren pindan päl. Matkad Kazanihesai om 103 km lodeheze orhal vai 130 km avtotedme. Lähembaižed lidnad oma Mamadiš 60 km pohjožpäivnouzmha orhal vai 220 km avtotedme, Nižnekamsk 105 km pohjožpäivnouzmha avtotedme i Laiševo 85 km päivlaskmha avtotedme.

Klimat om ven kontinentaline. Voden keskmäine lämuz om +4,1 C°.

Čistopol' om lidnankundan üks'jäine eländpunkt.

EläjadRedigeeri

Vn 2010 kaiken Venäman rahvahanlugemižen mödhe eläjiden lugu oli 60 755 ristitud, se om rajonan ristitišton koume nelländest. Kaikiš suremb lidnan ristitišt oli 67 500 eläjad vl 1996.

Rahvahad (enamba 1% vn 2002 rahvahanlugemižen mödhe, ozutadud rahvahudenke): venälaižed — 62,6%, totarlaižed — 32,8%, čuvašalaižed — 2,3%, toižed rahvahad — 2,3%.

Islaman kuz' pühäpertid oma avaitud lidnas: Ezmäine pämečet', «Munir», «Iman», «Anas», «Ihlas», «Eniler». Ortodoksižen hristanuskondan 17 pühäpertid[1] oma olmas: ph. Mikulai-čudonsädajan kafedraline päjumalanpert' (1838), kuz' jumalanpertid, koume loičendpertid, koume časounäd, mugažo vanhuskolaižiden koume loičendpertid oma lidnas i Jumalanmaman Emäganpäivän naižjumalankodin sauvused (1864−1879) oma kaičenus.

Koume specialižen keskopendusen sijališt aluzkundad om lidnas: maižanduztehnikum[2], medicinine škol, äiprofil'ne kolledž. Kazanin üläopendusen aluzkundoiden kaks' filialad oma avaitud.

GalereiRedigeeri

HomaičendadRedigeeri

  1. Čistopolin pühäpertid sobory.ru-saital. (ven.)
  2. Čistopolin maižanduztehnikum edu.tatar.ru-saital. (ven.) (tot.)

IrdkosketusedRedigeeri



Tatarstanan Tazovaldkundan lidnad
Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši