Bavli
Bavli (tot.: Баулы / Bawlı, ven.: Бавлы́) om Venäman lidn da lidnankund Tatarstanan Tazovaldkundan suvipäivnouzmaižes čogas. Se om Bavlin rajonan administrativine keskuz (vspäi 1930).
Lidnanznam
|
Flag
|
| Valdkund | Venäma |
| Eläjiden lugu (2022) | 21,372 ristitud |
| Pind | 8,8 km² |
| |
| Pämez' | Il'jas Guzajirov (reduku 2021—) |
| Telefonkod | +7−85 569-xx-xxx |
| Avtokod | 16, 116, 716 |
| Aigvö | UTC+3 (MSK+0) |
IstoriiRedigeeri
Severz'-se eländpunktoid oli olmas Bavlin sijal eziauguižin. Ezmäine külä oli olmas 16-kilometrižen jogen randal vspäi 1626, baškiralaižed oliba enambuses. Tetas usadiboid, Mansurovo-usadib oli olmas vspäi 1755 anttud Mansur-valdkundmehele umaspäi. Aigan mändes ühtenzoittihe niid, nimitaškanzihe žilod penen Bavlink-jogen mödhe totaraks (tot.: Баулы, «mezijogi», Ikan hura ližajogi, Kaman hura bassein).
Vn 1946 sügüz'kul löuzihe kivivoid rajonan territorijal i zavottihe sauda kaik tarbhašt samižen täht da elon täht. Žilo šingotihe, i vl 1997 Bavli sai lidnan statusad. Om londuseližen gazan löudmižsijid-ki lidnan ümbrištos.
Geografijan andmusedRedigeeri
Lidn sijadase Ik-jogen hural randpolel (tot.: Ык, Kaman hura ližajogi), kukhikahas tahondas, Bugul'man da Belebein ülüdel, 210 m ü.m.t. keskmäižel korktusel. Matkad Kazanihesai om 303 km lodeheze orhal vai 355 km avtotedme. Lähembaine lidn om Oktäbr'skii (Baškortostan) 10 km pohjoižpäivnouzmha orhal. Vižkilometrine sarak tuleb lidnha Samar — Uf-avtotespäi.
Bavli om lidnankundan üks'jäine eländpunkt.
EläjadRedigeeri
Vn 2010 kaiken Venäman rahvahanlugemižen mödhe eläjiden lugu oli 22 109 ristitud, rajonan ristitišton kaks' koumandest. Kaikiš suremb lidnan ristitišt oli 23 400 eläjad vl 2001.
Rahvahad: totarlaižed — 69,1%, venälaižed — 21,6%, čuvašalaižed — 3,5%, udmurtalaižed — 2,5%, toižed rahvahad — 3,3%.
Islaman kaks' pühäpertid om olmas lidnas: keskuzline «Gali»-pämečet' i puine «Umet»-pühäpert' («toiv»). Ortodoksižen hristanuskondan ph. Serafim Sarovalaižen jumalanpert'[1] om saudud vll 2005−2008.
Bavlin agrarine kolledž[2] om lidnan profopendusen aluzkundaks.
Edeline Bavli-lidnan i sen rajonan pämez' om Ramil' Gatijatullin (sügüz'ku 2014 — reduku 2021).
GalereiRedigeeri
Keskuzline «Gali»-pämečet', vn 2014 nägu
Memorialine kompleks pölištunuzile Suren sodan aigan vn 2017 kevädel
Kivivoiradnikoiden muštnik vl 2008
«Ivolga»-sanatorii (2011)
«Neft'če»-stadion vl 2011
HomaičendadRedigeeri
- ↑ Bavlin pühäpertid sobory.ru-saital. (ven.)
- ↑ Bavlin agrarine kolledž edu.tatar.ru-saital. (ven.) (tot.)
IrdkosketusedRedigeeri
- Lidnan da Bavlin rajonan oficialine sait (bavly.tatarstan.ru) Tatarstanan Tazovaldkundan tobmuden portalal. (ven.) (tot.)
| Bavli Vikiaitas |
| Tatarstanan Tazovaldkundan lidnad | ||
| Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši | ||