Agriz (tot.: Әгерҗе / Ägerce, ven.: Агры́з, mugažo nitmarin kelel, udm.: Огырчи) om Venäman lidn da lidnankund Tatarstanan Tazovaldkundan pohjoižpäivnouzmas. Se om Agrizan rajonan administrativine keskuz (vspäi 1927).

Agriz
Агрыз (ven.)
Әгерҗе (tot.)
Valdkund Venäma
Eläjiden lugu (2022) 19,628 ristitud
Pind 8,6 km²
Agriz Агрыз (ven.) Әгерҗе (tot.)
Pämez' Azat Valejev
(sügüz'ku 2020—)
Telefonkod +7−85 551-xx-xxx
Avtokod 16, 116, 716
Aigvö UTC+3 (MSK+0)

Istorii vajehta

Eländpunkt mainitase ezmäižen kerdan vl 1646. Kätihe radnikžiloks vl 1928. Žilo sai lidnan statusad vl 1938.

Agrizan ižandusen sarakod oma sömtegimišt (kaks' leibänkombinatad, maidkombinat), sauvondmaterialiden pästand, mecan ümbriradmine, mugažo raudtedepo om olmas lidnas.

Geografijan andmused vajehta

Lidn sijadase penen Agrizk-jogen (tot.: Әгерҗе, udm.: Огырчи, Iž-jogen oiged ližajogi, Kaman i Volgan bassein) randal, 90 m ü.m.t. keskmäižel korktusel, ani Udmurtijan röunal. Matkad Kazanihesai om 330 km päivlaskmha, Iževskhasai — 36 km pohjoižhe. Agriz-raudtestancii om olmas vspäi 1919, «Iževsk — Jarčalli»- i «Kazan'Jekaterinburg»-raudtejonod ristikoittas lidnas.

Agriz om lidnankundan üks'jäine eländpunkt.

Eläjad vajehta

Vn 2010 kaiken Venäman rahvahanlugemižen mödhe eläjiden lugu oli 19 300 ristitud. Kaikiš suremb ristitišt oli 20 270 eläjad vl 1959, sil aigalpäi vajehtase 18..20 tuh. ristituid röunoiš.

Rahvahad (ozutadud rahvahudenke vl 2010): totarlaižed — 59%, venälaižed — 25%, marilaižed — 8%, udmurtalaižed — 6%, toižed rahvahad — 2%.

Islaman kaks' mečetid oma saudud: «Hasan» i «Nur». Ortodoksižen hristanuskondan kaks' jumalanpertid[1] oma olmas: ph. Sergii Radonežalaižen jumalanpert' (om letud vll 2005−2008) i Sündun Eläbzdusen loičendpert' (1995, om sauptud jumalanpertin sauvondan jäl'ghe).

Nižnekamskan agrariž-tegimištoližen kolledžan filial nomer kaks'[2] om professionaližen opendusen aluzkundaks.

Galerei vajehta

Homaičendad vajehta

  1. Agrizan pühäpertid sobory.ru-saital. (ven.)
  2. Nižnekamskan agrariž-tegimištoližen kolledžan filial Agriz-lidnas edu.tatar.ru-saital. (ven.)

Irdkosketused vajehta



Tatarstanan Tazovaldkundan lidnad
Agriz | Al'met'jevsk | Arsk | Aznakajevo | Bavli | Bolgar | Bugul'm | Buinsk | Čistopol' | Innopolis | Jarčalli | Jelabug | Kazan' | Kukmor | Laiševo | Leninogorsk | Mamadiš | Mendelejevsk | Menzelinsk | Nižnekamsk | Nurlat | Zainsk | Zelenodol'sk | Tetüši