Hamar

Hamar (mugažo norvegijan kelel, virktas [ˈhɑ̂ːmɑr]) om Norvegijan lidn da kund (kommun) valdkundan suvipäivnouzmas. Se om Innlandet-agjan administrativine keskuz (edel 2020. vot — Hedmark-agjan).

Hamar

Lidnanznam
Valdkund	Norvegii
Eläjiden lugu (2021)	31,509 ristitud
Pind	350,94 km²
Pämez'	Einar Busterud (1999−2011, 2015—)
Telefonkod	+47−62
Aigvö	tal'vel UTC+1, kezal UTC+2

Lidnan kart ümbrištonke (2020)

Istorii

Eländpunktan aluz om pandud vl 1152 kuti episkopkundan keskuz. Vll 1584−1864 oli žiloks. Vl 1862 raudte tuli sihe. Vl 1992 mülütihe Vang-kundad Hamaran kundha kacmata Vang-kundan eläjiden pätandha. Vl 1994 lidn vastsi Tal'veližiden Olimpižiden vändoiden erasid voibuižid (kiruh- i figurštargundad) Lillehammeranke ühtes.

Hamar šingotase sömtegimištol (oludtegim, maidtegim) i valdkundaližil holitišil. Valdkundan znamasine raudtesol'm «Oslo — Tronheim»-keskustal. Vspäi 1975 valdkundaližen Norsk Tipping-loterejan päfater sijadase lidnas.

Geografijan andmused

Lidn sijadase 150 m ü.m.t. keskmäižel korktusel. Matkad Oslohosai om 100 km suvhe orhal vai 127 km avtotedme.

Klimat om ven kontinentaline. Voden keskmäine lämuz om +5,1 C°, vilukun −6 C°, heinkun +17 C°, ekstremumad oma −30 C° i +33 C°. Paneb sadegid 500 mm vodes, enamba kezaaigan.

Eläjad

Vl 2013 kundan eläjiden lugu oli 29 331 ristitud. Lidnan ristitišt om 28 535 eläjad 13,95 km² pindal (vn 2021 andmused). Kaikiš suremb lidnan i municipalitetan ristitišt om nügüd'.

Südäinorvegijan sättutoitud tedoiden valdkundaližen kolledžan kampus om lidnas (norv.: Høgskolen i Innlandet, vspäi 2017), ende se palakund oli erižeks pedagogižeks kolledžaks.

Irdkosketused

• Lidnan da sen kundan oficialine sait (hamar.kommune.no). (norv.)