Pärnu

Pärnu (mugažo estin kelel, virktas [ˈpærˑnu]) om lidn, jädumatoi port da kurort Estinman suvipäivlaskmas. Se om valdkundan nellänz' lidn eläjiden lugun mödhe, om Pärnun makundan administrativižeks keskuseks.

Pärnu

Lidnanznam	Flag
Valdkund	Estinma
Eläjiden lugu (2018)	39,375 ristitud
Pind	33,15 km²
Pämez'	Romek Kosenkranius (2015—)
Telefonkod	+372−44
Aigvö	tal'vel UTC+2, kezal UTC+3

Vn 2012 lidnan kart

Video lidnas ühten minutan hätkte, 10. kezaku 2022

Istorii

Eländpunktan aluz om pandud vl 1251 kuti Perone-lidnuz lidnan statusanke. 19. voz'sadan keskes lidn šingotaškanzi kurortaks, sil-žo aigal rušihe äjid varmitesid.

Pärnu šingotase mašiništonsauvomižel, metallan ümbriradmižel i elektronikan tehmižel, himižel tegimel, plastikprodukcijal, mecan ümbriradmižel, sömtegimištol (oludtegim, kalakombinat), pölusiden edheotandal, turizmal, kurortaks (23 adivpertid i 13 küläadivpertid, 43 restoranad, 54 barad, 62 kafed).

Geografijan andmused

Lidn sijadase ühtennimižen jogen sun randoil i Baltijan meren Rigan lahten randal. Matkad Tallidnhasai om 128 km pohjoižhe, Righasai — 175 km suvhe avtotedme. Lähembaine lidn om Sindi ani pohjoižpäivnouzmha lidnaspäi.

Eläjad

Vn 2011 EÜ:n rahvahanlugemižen mödhe lidnan eläjiden lugu oli 42 470 ristitud. Kaikiš suremb ristitišt oli 52 389 eläjad vl 1989.

Rahvahad (2011): estilaižed — 83,06%, venänikad — 12,78%, ukrainalaižed — 1,69%, suomalaižed — 0,64%, vaugedvenälaižed — 0,45%, toižed rahvahad — 1,38%.

Professionaližen opendusen aluzkundad: Pärnun makundan profopendusen keskuz, Tartun universitetan Pärnun kolledž, Estin edheotaikundan «Mainor»-universitetan filial.

Galerei

• 
  Lidnan tobmuden pert'
• 
  «Tervise Paradiis»-adivpert'
• 
  Lidnan keskusen ühthine nägu
• 
  Päivlaskm kül'bendrandal
• 
  «Kaubamajakas»-supermarket

Sebruzlidnad

• Latvii Elgav, Latvii (vspäi 1957)
• Venäma Soči, Krasnodaran rand, Venäma (1994)
• Suomenma Vas, Suomenma (vspäi 1956)

Irdkosketused

• Lidnan tobmuden aluzkundoiden oficialine sait (parnu.ee). (est.) (angl.)
• Verkkamer Pärnun portan päl, täuz' nägu estonia360.ee-saital.