Estin kel'

Estin kel' (ičeze nimituz: eesti keel) om üks' Baltijan meren suomalaižiš kelišpäi, estilaižiden kodikel'. Se om valdkundkel' Estinmas, mugažo EÜ:n üks' oficialižiš kelišpäi. Pagižijoiden lugu — 1,1 mln ristituid (2012), heišpäi viž kudendest oma Estinman eläjad.

Kelen levigandusen kart. Suviestin paginad (vai erine kel') oma ozutadud sinivauvhal mujul

Kändihe eriližeks keleks 12.-13. voz'sadal. Kirjankel' om sätud 19. voz'sadal. Estin kirjkel' om latinan kirjamišton pohjal. Nece om agglütinativine kel'. Erištadas koume vokaliden i konsonantiden hätkeližust.

Reguliruindorganzacii om Estin kelen institut (Eesti Keele Instituut) vspäi 1993, sijadase Tallidnas. Alištub Estinman openduzministrusele.

Estin kirjamišt

A a	B b	(C c)	D d	E e	F f	G g	H h
I i	J j	K k	L l	M m	N n	O o	P p
(Q q)	R r	S s	Š š	Z z	Ž ž	T t	U u
V v	(W w)	Õ õ	Ä ä	Ö ö	Ü ü	(X x)	(Y y)

Lugusanad

• üks — üks'
• kaks — kaks'
• kolm — koume
• neli — nell'
• viis — viž
• kuus — kuz'
• seitse — seičeme
• kaheksa — kahesa
• üheksa — ühesa
• kümme — kümne
• kakskümmend — kaks'kümne
• kolmkümmend — koumekümne
• sada — sada
• tuhat — tuha

Frazad

• Tere! — Tervhen!
• Mis su nimi on? — Kut sindai kuctas?
• Kust sa pärit oled? — Kugalaine oled?
• Kus sa elad? — Kus sinä eläd?
• Hüvasti! / Nägemist! — Nägemižhesai!
• Aitäh. — Kitän.

Irdkosketused

• Estin kel' Ethnologue.com-saital.