Lugan rajon
Lugan rajon (ven.: Лу́жский райо́н) om Venäman municipaline ühtnik Leningradan agjas.
Znam
|
Flag
|
| Valdkund | Venäma |
| Administrativine keskuz | Lug |
| Eläjiden lugu (2024) | 74,392 ristitud |
| Pind | 6,006,00 km² |
.svg)
| |
Administrativine keskuz om Lug-lidn. Se mülüb rajonha vspäi 2006, sijadase rajonan pohjoižes. Rajonan ristitišton läz pol't eläb siš.
Istorii
vajehtaRajonan aluz om pandud vn 1927 elokun 1. päiväl Leningradan agjan Lugan ümbrikho ühten aigan niiden sädandanke. Vn 1930 heinkun 23. päiväl heittihe ümbrikod, i siš aigaspäi rajon mülüb Leningradan agjaha kut administrativine ühtnik. Vozil 1939−2006 Lug-lidn oli alištunu agjan tobmudele oikti.
Toižen mail'man voinan aigan vozil 1941 (eloku) — 1944 (uhoku) rajonan territorii oli okkupiruidud nacistižen Germanijan sodavägil. Vn 1959 redukun 22. päiväspäi enččen Oredežan rajonan territorii mülüb Lugan rajonha. Vn 1963 uhokun 1. päiväspäi Slancin rajonan enzne pala mülüb Lugan rajonha. Rajon om olmas nügüdläižiš röunoiš vspäi 2006.
Geografijan andmused
vajehtaLugan rajon om Leningradan agjan suvipäivlaskmaine taho. Pind — 6 006 nellikkilometrad (videnz' sija agjas). Mec katab kaks' videndest rajonan territorijad (2354 km²)[1].
Om röunoid Venäman kahesanke rajonanke:
- pohjoižpäivnouzmas Leningradan agjan Tosnon rajonanke;
- päivnouzmas Uz'lidnan agjan Uz'lidnan rajonanke;
- suvipäivnouzmas Uz'lidnan agjan Bateckijan rajonanke;
- suves Uz'lidnan agjan Šimskan rajonanke;
- suvipäivlaskmas Pskovan agjan Plüssan rajonanke;
- päivlaskmas Leningradan agjan Slancin rajonanke;
- pohjoižes Leningradan agjan Volosovon da Gatčinan rajonidenke.
Saum vezid — 3,5 % (210 km²). Znamasižed joged oma Lug (vod. Laugaz) da sen ližajoged: oiktad — Oredež, Jaščer, i hura — Sab. Kaikiš surembad järved oma Samro (40,4 km²) rajonan päivlaskmas, Väl'je (läz 20 km²) rajonan pohjoižes, Čeremeneckoje (15 km²) da Vrevo (12,8 km²) rajonan suves. Kaik joged da järved mülüdas Baltijan meren (Atlantižen valdmeren) basseinha.
Tobmuz
vajehta.svg)
Vspäi 2006 rajonan territorii jagoihe 15 municipaližeks ühtnikaks: kaks' lidnankundad i koumetoštkümne küläkundad. Vn 2019 semendkuspäi kaks'toštkümne küläkundad jäihe.
Käskusenandai tobmuz om Deputatoiden nevondkund (ven.: Совет депутатов) 30 ühtnijanke. Kaik rahvaz valičeb heid videks vodeks. Järgvaličendad sihe oliba vn 2014 sügüz'kun 14. päiväl. Andrei Ivanov radab sen ezimehen da rajonan pämehen vn 2014 sügüz'kun 30. päiväspäi. Deputatoiden nevondkund valičeb rajonan administracijan pämest.
Vn 2012 redukun 19. päiväspäi Oleg Malaščenko radab rajonan administracijan pämeheks kahtenden strokun jäl'geten. Ezmäine varapämez da nell' muite varapämest oma hänele abhu. Kaik kuz' komitetad, 17 palakundad, nell' sektorad da kaks' laudkundad alištudas rajonan administracijan pämehištole.
Eläjad
vajehtaVn 2010 Venäman rahvahanlugemižen mödhe rajonan eläjiden lugu oli 78 759 ristitud (kaikiš suremb ristitišt, seičemenz' sija agjas), vn 2021 — 76 969 ristitud. Kaik 74 117 eläjad oli rajonas vl 2017.
Kaik om 348 eländpunktad rajonas, sidä kesken üks' lidn, üks' lidnanvuitte žilo, 22 muite žilod, üks' žilo raudtestancijanno, 316 küläd, viž sijašt da kaks' kordonad.
Toižed znamasižed eländpunktad oma lidnanvuitte Tolmačovo-žilo (2,9 tuh. rist. vl 2016), mugažo Oredež-žilo (2,7 tuh. rist. vl 2010) da Zaklin'je-külä (2,7 tuh. rist. vl 2010).
Rahvahad (enamba 0,4 % vn 2010 Venäman rahvahanlugemižen mödhe): venälaižed — 82,3 %, ukrainalaižed — 1,8 %, vaugedvenälaižed — 1,0 %, totarlaižed — 0,4 %, toižed rahvahad — 2,4 %, rahvahuden ozutandata — 12,1 % (jäl'gmäižiden keskes vaiše 2,8 % mahttas pagišta venäkelel).
Erased-se igähižed rahvahad: estilaižed — 36 rist. (0,05 %), karjalaižed — 36 rist. (0,05 %), suomalaižed — 27 rist. (0,03 %), vepsläižed — 3 rist. (vähemb mi 0,01 %)[2].
Ižanduz
vajehtaRajonan ižandusen päižed sarakod oma sauvondmaterialoiden tehmine (abrazivtegesed, raudbetontegesed, metallkonstrukcijad), grafittegesed, stökoltegimišt (vinbutulkad), sömtegimišt, plastikpalad avtoiden südäimen täht, maižanduz[3].
Homaičendad
vajehta- ↑ Lugan rajonan investicine pasport (lenoblinvest.ru). — 24 lp. — Lp. 1. (ven.)
- ↑ Национальный состав и владение языками, гражданство населения Ленинградской области (Leningradan agjan rahvahaline mülükund, ristitišton kel'mahtod da rahvahanikuz.) / Стат. сборник. Часть 1. — СПб.: Петростат, 2013. — 266 lp. — Lpp. 68−69. (ven.)
- ↑ Lugan rajonan investicine pasport (lenoblinvest.ru). — 24 lp. — Lpp. 1−9. (ven.)
Irdkosketused
vajehta