Avaita pämenü


Düssel'dorf (saks.: Düsseldorf [ˈdʏsl̩ˌdɔɐ̯f]) om lidn Saksanman päivlaskmas. Se om Pohjoine Rein da Vestfalii-federacijanman pälidn, mülüb Rein da Rur-lidnaglomeracijha. Ičeze ezilidnoidenke Düssel'dorf otab seičemenden sijan Saksanmas ristitišton lugun mödhe (1,2 mln vl 2013).

Düssel'dorf
Düsseldorf
 Lidnanznam
Wappen der Landeshauptstadt Duesseldorf.svg
 Flag
Flagge der Landeshauptstadt Duesseldorf.svg
Valdkund Saksanma
Eläjiden lugu (2013) 598 686 ristitud
Pind 217,41 km²
Düssel'dorf Düsseldorf
Pämez' Tomas Gaizel' (2 014-)
Telefonkod +49-211
Aigvö tal'vel UTC+1 
kezal UTC+2

Lidn om Saksanman rahaazjoiden (kahtenz' surtte valdkundas Frankfurtan Mainal jäl'ghe) da modan keskuz, sur' transporttesol'm da jogiport.

IstoriiRedaktiruida

Vl 1135 lidn om mainitadud ezmäižen kerdan kirjutadud purtkiš. Vlpäi 1288 Düssel'dorf om lidnan statusanke.

Geografijan andmusedRedaktiruida

Lidn seižub Düssel'- da Rein-jogiden ühthejoksmusen sijas, Rein-jogen oiktal randal 28-167 metrad korktusil, om uzid rajonid hural-ki randal. Seičeme sildad ühtenzoittas Reinan randoid lidnan röunoiš. Duisburg-lidn om toine Rein da Rur-aglomeracijan pala, se sijadase pohjoižpoles ani lidnan röunan taga.

Klimat om ven valdmerine. Voden kesklämuz om +10,6°C. Paneb sadegid 800 mm vodes. Pil'vesine sä om paks azj.

Düssel'dorf jagase 10 ümbrikho (saks. Stadtbezirk) ičeze nevondkundoidenke vaiše nevondfunkcijanke. Ümbrikod alajagasoiš 50 lidnanlaptha (saks. Stadtteil).

IžanduzRedaktiruida

Düssel'dorfan kogosüdäiprodukt om 41,5 bln € (vl 2012).

Mail'man tetabid Henkel' (kodihimii), Metro AG (torguindverk), TissenKrupp (metallurgii) da E.ON (energii) kompanijoiden päfaterad sijadase lidnas.

Düssel'dorfan rahvahidenkeskeine civiline lendimport (DUS) sijadase 7 km pohjoižhe lidnan keskusespäi Duisburganke röunanno, se om koumanz' surtte Saksanmas. Lendimportaspäi tehtas reisid Saksanman lidnoihe, Evropan, Päivlaskmaižen Azijan da Pohjoižen Afrikan maihe, sezonoidme — tropižihe lebutahoihepäi. Lendimport ühtenzoitab päraudtestancijanke rippujan jonusen monorel'stel (Skytrain).

Kundaline transport om kiruhtramvai (99 stancijad, niišpäi 17 oma manalaižed) da lidnelektrojonuz, niiden ted ühtenzoittas Rein-Rur-aglomeracijan toižidenke lidnoidenke.

HomaičendadRedaktiruida


IrdkosketusedRedaktiruida