Livvin kel' vai Livvin pagin (ičeze nimitused: livvin kieli, livvinkarjala) om üks' päižiš karjalan kelen paginoišpäi. Venämas lugedas necidä kel't paginaks, ika Suomenmas erased tedomehed lugedas sidä keleks.

Erazvuiččiden andmusiden mödhe pagižijoiden tämbäine lugu om 14,1..25 tuhad ristituid. Hö elädas Olonecas, Karjalan Tazovaldkundan toižiš paloiš i Suomenman Karjalas (läz koumed tuhad ristituid).

Ei ole sel'ged, konz da kut nece kel' sündui. Sen velgsanoiden sur' lugu om ottud vepsän kelespäi. Sen ližaks, keles om erasid sanoid, kudambad ei olgoi löutud toižiš karjalan keliden paginoiš.

Livvin kel' i VepKar-korpus, ezineb Tatjana Boiko

Kirjkel' vajehta

Ei ole andmusid, konz tehtihe livvin kelen kirjamišton. Se om olmas 19. voz'sadaspäi kiriližen kirjamišton pohjal. Voziš 1930−1940 se linni kirjamištoks latinan kirjamištol pohjal.

  • Vanh kirjamišt:
A a B b Č č D d Ǯ ǯ E e F f G g
H h I i J j K k L l M m N n O o
P p R r S s Š š Z z Ž ž T t U u
V v Ü ü Ä ä Ö ö '

Vl 2007 sätihe ut ühthišt kirjamištod kaikiden karjalan keliden täht. Vl 2014. se kirjamišt om toižetadud jäl'gmäižen kerdan:

A a B b C c Č č D d E e F f G g H h I i
J j K k L l M m N n O o P p R r S s Š š
Z z Ž ž T t U u V v Y y Ä ä Ö ö ʼ

Kacu mugažo vajehta

Homaičendad vajehta