Žirnovsk

Žirnovsk
Жирновск
Lidnanznam;	Flag;
Valdkund	Venäma
Eläjiden lugu (2021)	15,555 ristitud
Pind	27 km²
Pämez'	Aleksei Kudrävcev; (reduku 2014—)
Telefonkod	+7−84 454-xx-xxx
Avtokod	34, 134
Aigvö	UTC+3 (MSK+0)

Žirnovsk (ven.: Жи́рновск) om Venäman lidn da lidnankund Volgogradan agjan pohjoižes. Se om Žirnovskan rajonan administrativine keskuz vspäi 1959.

Istorii

Eländpunktan aluz om pandud kuti Žirnoje-külä 18. voz'sadan keskes ühtennimižen penen järven randal. Möhemba uded eläjad sirdiba sidä videks kilometraks Medvedican ülezjogen. Vl 1949 buraudihe ezmäšt kivivoin mareigud žilon laptas. Vozil 1950−1954 ühtenzoittihe žilod Kurakino- i Neftänikov-žiloidenke i nimitihe Žirnovskii-radnikžiloks. Radnikžilo sai lidnan statusad nügüdläiženke nimenke vl 1958.

Žirnovsk šingotase kivivoin i sen gazan samižen da transportiruindan edheotandoil, sömtegimištol (grečan surimtegim). Ende leibtegim, sömkombinat, asfal'ttegim i telefonsidon «Radar»-tegimen kaks' cehad radoiba lidnas mugažo.

Geografijan andmused

Lidn sijadase Medvedic-jogen hural randal tobjimalaz (Donan hura ližajogi), Volgaveren ülüdel, 120 m ü.m.t. keskmäižel korktusel.

Matkad Saratovan agjhasai om 25 km pohjoižhe orhal, Volgogradhasai om 255 km suvhe orhal vai 310 km avtotedme. Lähembaižed lidnad oma Saratovan agjan Kalininsk 60 km pohjoižhe orhal vai 85 km avtotedme i Krasnoarmeisk 64 km päivnouzmha orhal vai 100 km avtol.

Tobmuz

Žirnovsk om lidnankundan üks'jäižeks eländpunktaks. Lidnankundan pind — 92 km².

Lidnankundan tobmuden pämez' om sen Nevondkundan ezimez'. Lidnan erine Administracii om likvidiruidud vn 2009 lopus, Žirnovskan rajonan Administracii tegeb sen velgusidme.

Eläjad

Vn 2010 Venäman rahvahanlugemižen mödhe lidnan eläjiden lugu oli 16 872 ristitud, rajonan kaks' videndest, vn 2021 — 15 555 ristitud. Vl 2017 kaik 15 872 ristitud eliba lidnas. Kaikiš suremb lidnan ristitišt oli 19 200 eläjad vl 1998.

Ortodoksižen hristanuskondan Pühän Hengen-tüništoitajan jumalanpert'^[1] (saudihe vll 1994−1998) i hristanuskondan seičemenden päivän adventistoiden pühäpert' oma avaitud lidnas.

Lapsiden opendusen aluzkundad oma koume päivkodid (nomer 2, 8, 9), keskškolad nomer 1 i 2, keskškol erižiden disciplinoiden süvetud opendusenke (ende školad nomer 3 i 4 eriži), ehtaline škol, čomamahtoiden škol, lapsiden sädamižen keskuz, rajonan keskuz fizkul'turas i sportas I.N. Ilüščenkon nimed. Žirnovskan kivivoitehnikum^[2] i pedagogine kolledž^[3] oma lidnan professionaližen opendusen aluzkundoikš.

Galerei

Lidnan puišton tulend (2003)
Pühän Hengen-tüništoitajan jumalanpert', vn 2003 nägu
Lomonosovan ird (2008)
Privatine pertišt vl 2012

Homaičendad

Irdkosketused

Lidnankundan lehtpoled Žirnovskan rajonan tobmuden admzhirn.ru-saital. (ven.)

Žirnovsk Vikiaitas

	Volgogradan agjan lidnad
	Dubovk \| Frolovo \| Kalač Donal \| Kamišin \| Kotel'nikovo \| Kotovo \| Krasnoslobodsk \| Leninsk \| Mihailovk \| Nikolajevsk \| Novoanninskii \| Pallasovk \| Petrov Val \| Serafimovič \| Surovikino \| Žirnovsk \| Urüpinsk \| Volgograd \| Volžskii

[1] Žirnovskan pühäpertid sobory.ru-saital. (ven.)

[2] Žirnovskan kivivoitehnikuman sait (gnt-oil.ru). (ven.)

[3] Žirnovskan pedagogižen kolledžan sait (gpk.profiedu.ru). (ven.)

[1]

[2]

[3]

Lidnanznam	Flag
Valdkund	Venäma
Eläjiden lugu (2021)	15,555 ristitud
Pind	27 km²

Pämez'	Aleksei Kudrävcev (reduku 2014—)
Telefonkod	+7−84 454-xx-xxx
Avtokod	34, 134
Aigvö	UTC+3 (MSK+0)